«Руно орошенное»

«Руно орошенное» (Підготовка тексту, передмова та коментарі О.Тарасенка). Продовження. Початок у № 1 за 2009 р.

Збережено в:

Бібліографічні деталі
Дата:	2009
Автор:	Туптало, Д.
Формат:	Стаття
Мова:	Ukrainian
Опубліковано:	Інститут української археографії та джерелознавства імені М.С. Грушевського НАН України 2009
Назва видання:	Сiверянський лiтопис
Теми:	З літературної спадщини
Онлайн доступ:	http://dspace.nbuv.gov.ua/handle/123456789/24992
Теги:	Додати тег Немає тегів, Будьте першим, хто поставить тег для цього запису!
Назва журналу:	Digital Library of Periodicals of National Academy of Sciences of Ukraine
Цитувати:	«Руно орошенное» / Д. Туптало // Сiверянський лiтопис. — 2009. — № 2-3. — С. 206-227. — укр.

Репозитарії

Digital Library of Periodicals of National Academy of Sciences of Ukraine

id	irk-123456789-24992
record_format	dspace
spelling	irk-123456789-249922013-02-13T03:06:50Z «Руно орошенное» Туптало, Д. З літературної спадщини «Руно орошенное» (Підготовка тексту, передмова та коментарі О.Тарасенка). Продовження. Початок у № 1 за 2009 р. 2009 Article «Руно орошенное» / Д. Туптало // Сiверянський лiтопис. — 2009. — № 2-3. — С. 206-227. — укр. XXXX-0055 http://dspace.nbuv.gov.ua/handle/123456789/24992 uk Сiверянський лiтопис Інститут української археографії та джерелознавства імені М.С. Грушевського НАН України
institution	Digital Library of Periodicals of National Academy of Sciences of Ukraine
collection	DSpace DC
language	Ukrainian
topic	З літературної спадщини З літературної спадщини
spellingShingle	З літературної спадщини З літературної спадщини Туптало, Д. «Руно орошенное» Сiверянський лiтопис
description	«Руно орошенное» (Підготовка тексту, передмова та коментарі О.Тарасенка). Продовження. Початок у № 1 за 2009 р.
format	Article
author	Туптало, Д.
author_facet	Туптало, Д.
author_sort	Туптало, Д.
title	«Руно орошенное»
title_short	«Руно орошенное»
title_full	«Руно орошенное»
title_fullStr	«Руно орошенное»
title_full_unstemmed	«Руно орошенное»
title_sort	«руно орошенное»
publisher	Інститут української археографії та джерелознавства імені М.С. Грушевського НАН України
publishDate	2009
topic_facet	З літературної спадщини
url	http://dspace.nbuv.gov.ua/handle/123456789/24992
citation_txt	«Руно орошенное» / Д. Туптало // Сiверянський лiтопис. — 2009. — № 2-3. — С. 206-227. — укр.
series	Сiверянський лiтопис
work_keys_str_mv	AT tuptalod runoorošennoe
first_indexed	2025-07-03T04:26:09Z
last_indexed	2025-07-03T04:26:09Z
_version_	1836598448413999104
fulltext	206 Сіверянський літопис З ЛІТЕРАТУРНОЇ СПАДШИНИ Дмитро Туптало � «РУНО ОРОШЕННОЕ» (Підготовка тексту, передмова та коментарі О.Тарасенка)* РОСА ОЗАРЕНЇЯ СМЫСЛОВ. Радуйcя, вhрных озаряющая смыслы. Чудо 6. Человhк един, именем Лаврентїй, жилец Чернhговскїй, изступил бяше ума, и яко есть обычай таковым, бhгал нощїю по граду и по полю [Року 1672]. Единою хотяй при рhцh утопитися, ят бысть, // и приведен к Чудотворной Иконh в Монастыр Илинскїй, идеже егда о нем молитва творяшеся от Иноков, Благодать Богородичина даде ему ум, смысл и разум. И тако здрав и смысля возвратися в дом, хваля Матер Божїю, вразумившую его. БЕСhhhhhДА. Сотецhтеся зде вси, окраденнїи умом, буи и невhжи со мною сhмо прїйдhте, се имамы премудрости наставницу и смысла подателницу Пресвятую Дhву. Та научит, та вразумит, та наставит ны вся. Вhсте, яко всяк неразумный учится от Книги, ненаказанный наказуется от премудраго, невhжа наставляется от предводителя. Пречистая Дhва есть и Книга, и премудрость, и предводитель. Книгою есть, по реченному Дамаскином а: книга // новая, в ней же неизреченным образом, Бог Слово, кромh всякого рук дhла вписася [Дамаскин, слово 2]. И Андрей святый Критскїй б глаголет: книга воистину жива, слова отча тайно вписаннаго, животворною тростїю Духа [На Успен. Пресв. Богородици, Андрей]. Сія книга премудрых превосходит разум, а любомудрыя и хитрословесныя, немудрыя и безсловеснїя творит, хотящїя же от нея научитися, из глубины невидhнїя извлачит. Любомудрствоваше и хитрословяше проклятый Несторїе, уча Богородицу неглаголати, но Христородицу, сей мняйся быти премудр, обезумися. Прост бяше святый Романв, пhвец сей Богородицею научен, до тысящи Кондаков написа, явлшейся ему Пресвятhй Владичицh нашей Богородици во снh, и свиток книжный тому вдавши, повелhвши снhсти, иже и отверз уста своя, поглону хартїю, и исполнися премудрости. Сея Книги взыщи всяк хотяй учитися. Взыщи ю невhжде, да научишися разума духовнаго, та бо наставляет к разуму Божественному всhх, зарею ум просвhщающи. Взыщи ю горде, да научишися глубины смиренїя неудоб зримаго и Ангелскими очима. Взыщи ю, нечисте, да // обращеши чистоты сокровище. Гнhвливе с завистным, вземши со собою вкупh и лакомаго, взыщита ю, да научитеся любве и духовныя нищеты. Чревообястне с лhнивым, поищита Марїю, да воздержанїю и бодрости навыкнете. Дhва Марія есть премудрости Божія приятелище, не наказаннїи наказуйтеся от нея, та со высоким проповhданїем глаголет: иже есть безумен, да уклонится къ * Продовження. Початок у № 1 за 2009 р. Сіверянський літопис 207 мнh. И требующим ума, рече: прїйдhте, ядите мой хлhб и пїйте вино, еже черпах вам, оставите безуміе [Притчh, глав 9]. Чудяшеся нhкто, слыша вино, на не же призывается безумный, да упремудрится. Гдh бо вино дает премудрость? Паче обезумляет и премудрїя. Не без вины Апостол велит не упиватися вином: И аще мудр вином погубляет разум свой, то почто безумен на не призывается [К Ефес. 5]; точїю да безумнhйшїй будет? Но рhх ему нечудитеся, ино бо есть вино, то еже ум погубляет, а ино вино Марїи, яже сокровиществова в себh Божою премудрость. О вине ея Пророк извhствует, яко не безумїем, но цhломудрїем // упояет [Захарїя глав. 9], вино рече родящее Дhвы. И кія Дhвы? Не буїя, но мудрїя приимшїя елей в сосудhх со свhтилники своими. Сим убо вином и буи нhкогда умудритеся. Несумнися уже и ты, любимиче, о винh ея, но прїйди и испїй от нея премудрость со прочїими. Пить от нея Дамаскин, почерп усhченною рукою. И коль упремудрися? Аки источник бысть источающ Премудрых пhснїй потоки. Слыши, что егову старцу глаголет в видhнїи Богородица: Не заграждай источника моего, то уже ни ты лиши себе сицеваго пітїя. Дhва Богородица есть предводител; невhжи наставляйтеся от нея. Наставляше иногда Гедеон триста вой Израилевых к боренїю со мадїамом, и странное в них бh видhти к брани устроенїе: вмhсто меча и копїи, свhщи в руках держаху, и сим прогнан бысть супостат [Судей 7]. Мадїам адск борет мя, и како прожену его, не вhм, настави мя, ты Богородице, имам бо тя свhщу свhтоприемную, ею же тма темных прогонится полков. Блажен и премудр есть придержайся свhщи сей в мh //сто крhпкаго оружїя, безумен же есть нестяжавый ея. Дhвы оныя пять, по внегда свhтилником их угаснути, буее и мя себh притяжаху. Неугасшїи же свhща имущїи, мудри именовашася. Имhяй тя себh в свhт, о Владычеце, сей въ истину мудр есть, ходяй бо во свhтh твоем, непадется. Не имhяй же тя, буй и невhжа, в тмh ходит; ходяй же во тмh, поткнется. Повелhвашеся от Господа Моисеовh в исходh, да свhтилник в храмh свhдhнїя никогда угаснет, но всегда да горит [Исход 27]. Се прообразоваше наставницу нашу пресвhтлую, о ней же приточник пред глаголя: Неугаснет свhтилник ея всю нощ, сея свhт всегда ум озаряет, всегда тму просвhщает, всегда к разуму наставляет всhх вhрных [Притч. 13]. О всесвhтлый свhте, просвhти свhтилник мой Госпоже, Богородице просвhти омраченную душу мою. НРАВОУЧЕНЇЕ. Всяк непокаянный грhшник есть безумен, не имать разума. Ум или разум в человhцh // есть едина свhтлая свhща, тму невидhнїя отгонящая, показующая же, что есть доброе, а что злое, и всегда человhк на свhтлый завопhдей Божіих путь наставляющая. Егда же человhк не послушая добраго внутр просвhщающаго его разума, уклонится по волh своей злой (зане прилежить помышленїе человhку на злая от юности его) [Бытыя 8] и пойдет по своим похотем, дhя неподобная, аще и вhсть показующу ему разуму, яко зла вещ смертнh согрhшати, за то бо имать вhчнh казнен быти, небрежеть же о сем, и нерадить о грhсh своем, тогда уступует ума, погубляет разум. И аки безумен в темности буйства заблуждает, о таковых псаломник: неувидhша ниже разумhша въ тмh ходят [Псал. 81]. И святый Каллист: Не имут воистину свhтлости Божественнаго разума, в злобh и безчинїи живущїи, яко же бо солничнїя луча закриваются от темных облаков, тако ум наш в души иншей, аки в полудне ясно свhтящїй, потемняется буйством [Наука 2 неделю, 27]. А буйство кое болшее, яко же грhх? Сице глаголет // Хрисостом: ничто же есть злhйше паче грhха, буйми бо творит сих, иже прежде разумом и премудростїю быша велицы [Гоміл. 17 на Бытыа]. Премудр бяше Соломон, но коль обезумися грhху работая? И инhх не мало премудрых грhхом погибоша. Малити убо требh прилhжно Господа, да отгнав от нас буйство грhховное, просвhтит наш ум свhтом разума святаго Евангелїя. Господи, вразуми мя и испытаю закон твой, и сохраню, и всhм сердцем моим, благости и наказанїю, и разуму научи мя. 208 Сіверянський літопис ПРИЛОГ Вhтр свhщу угашает, грhх разума губит. Отвергается Христа, иже злато любит. Во странах персидских бh нhкто Іерей именем Павел, благочестив и во мнозhх добродhтелех успhвая. Имяше же едино ума окраденїе от сребролюбїя, еже и погуби его. Како? Слыши: бывшу гоненїю велику на христианы, он страха ради идолослужитель, бhжа в гору пустынную и крияшеся, собра же с собою и злато свое, его же // зhло много имhяши. В тожде время и нhкїя дhвы, числом пять, инокиня от разореннаго мучителми Монастыра, избhгше крияхуся в горах, яже и обрhтше сего Павла, близ его пребыша. Сїя убо дhвы бяху сїяюще добродhтелми, и благоуханїем Святаго Духа исполнены. В правду рещи, подобны о нhм мудрим дhвам. Их же Божественное Евангелїе поминаеть, тако и сїя украшены быша постническим житїем, и живяху с Павлом поюще и служаще с ним, дhлающе день и нощ Божественныя Заповhди [Матф. 25]. Ненавидяй же добра дїявол, не терпя такова их житїя и подвига, в нем же день и нощ преуспhваху, слыша что совhща оных, внїйде в нhкоего человhка, вhдущаго их, гдh криются, и шед повhда началнику волхвов Саворїя Царя Перскаго, и сказа ему сице: есть, рече, презвитер нhкїй християнин, имhяй злата многа, с ним же и пять инокинь криются. И аще хощеши взяти злато его, представи его судищу с постницами, яже с ним. И тhм, не хотящим вhры своея отврещися, усhкнеши // их и возмеши злато оно. Он же сїя слышав, абїе послав ять съ Инокинямы Пресвитера, и съ златом, и представи судищу своему. Тогда дїявол внїйде в сердце пресвитера, и глаголя Князю: почто восхищаеши имhнїе мое, ни в чем тебе обидивша? Он же к нему рече: понеже християнин еси, и нехраниши заповhди царевы. Павел же к нему: что ми повелhваеши творити? Князь же: аще поклонишися солнцу, возми своя и иди, гдh хощеши. Тогда окаянный, видя злато, поклонися солнцу, и снhсть от идоложертвенных, и пить от крове их. Волхв же видh, яко неполучи желанїе свое, рече к нему: аще сотвориши, да и постници поклонятся солнцу, и поймут себh мужа, то взем свое злато, пойдеши, где хотя. Павел же шед к постницам, рече: князь взя имhнїе мое, повелhвает и вам сотворити повелhнїе царево, и се аз поклонихся солнцу, и ял идоложертвенное, и вы убо сотворhте се. Они же поплеваша лице его, и рhша единогласно ему: о, окаянне, не годhли тебh своея погибели, // но и нам тояжде хощеши. Се ты днесь вторїй Іюда, яко же бо он злата ради продаде Учителя и Владыку на смерть, и взем злато, шед удавися. Тако и ты окаянне другїй Іюда нравом обрhтеся, злата ради погубив душу свою, понеже ниже в ум приял еси онаго богатаго, глаголющаго душh своей: душе, имаши злата много, пій, веселися. Сего ради слыша: безумне, в сію нощ душу твою возмут от тебе, а яже уготова, кому будет. Глаголем же ти, яко пред Богом стояще, яко обое на тебh сбудутся, яже о Іюдh, и о богатом. И сія рекше, паки поплеваху лице его, яко отступнику. Тогда повеленїем Князя, биени быша святыя дhвы нещадно на мног час жезлїем. Оны же глаголаша: мы Господу нашему Ісусу Христу покланяемся, повеленїю же цареву не повинуемся, и еже хощеши творити – твори. Князь же всяко их прелщаше, и мысляше, како наслhдовати злато Павлово, они же неповинушася. И повелh Павлу рукою своею отсhщи им главы, мнhв бо яко не восхощет сего сотворити, и тако озмет злато его. Ока//янный же он сїя слышав, и паки обрящся, видhв свое злато, рече: еже повелhваеши ми, сотвору. И взем мечь, прїйде к ним. Святыя же дhвы видhвши его, удивишася, и единогласно рhша ему: о, окаянне, Пастыр сый нам даже до вечера, нынh же пришел еси, яко волк поясти нас. Се ли есть ученїе твое, им же нас по вся дни наказовал еси, еже за Христа умрhти? Сам же ни мала восхотh пострадати зань, и без нужды отвержеся его. Се ли есть святое Тhло и Кров, юже от нечистою твоею руку прїймахом? Вижд, яко меч иже в руку твоею, житїю вhчному нам ходотай есть. Мы убо отходим к Учителю нашему Христу, ты же, яко предрекохом ти, съ златом и душу свою погубиши скоро, и удавлен будеши вервом, и со Іюдою сын геены будеши. Сїя и иная рекше ему, сотвориша молитву, и усhчены быша главы их от руку его. Тогда Сіверянський літопис 209 волхв глаголя к нему: вижд Павле, яко ни в едином от христїян сице сотворша волю цареву, обретох яко же ты, сего ради без повелhнїя царева не могу отпустити тебе, зане аще сїя // увhсть, яже о тебh, мнh повhдавшу ему, великой чести сподобит тебh. Нынh убо возвеселися с нами и пребуди при нас, заутра же скажем цару о тебh. Окаянный же отвhща, буди яко же рекл еси. В ту же нощ посла волхв рабы своя вервом удавити Павла. Заутра же пришед, яко да посhтит его, обрhте его висяща, тогда осуди его, яко сам себh убїйца быст, и повелh вон извлещи труп его из града, и поврещи псом на снhденїе, и тако злh скончася. Волхв же злато его взять, и совершися пророчество святых Дhв, окаянному Павлу сугубую смерть прїимшу, яко же и учитель его Іюда. О, како един грhх смертный, въ многое безумїе сего окаяннаго во верже; то колми паче многїя грhхи и премудрhйшаго могуть ослhпити и погубити. РОСА СЛЕЗ ИЗБАВЛЕНЇЯ Яко же кого Мати утhшает, тако же и аз утhшу вы [Ісаїя гл. 62]. Чудо 7. В замку Чернhговском живяше Капитан Войска его Царского // Пресвhтлаго Величества, именем Андрей Рачкевич, съ женою своею вhры Римской. Сего дщер в пеленах от великоя болести бh нhма и слhпа, имуща очеса, великими струпы и гноем затекли. Юже к смерти приближшуся, отец и мати плачуше принесоста с вhрою в Монастыр Їлинскїй, и положиста пред чудотворною Иконою Пречистыя Богородици, теплh о исцhленїи дщере своея молящеся. В то время чтяшеся соборнh Акафист Пресвятhй Богородици по обычаю, бяше бо субота. В чтенїи же Кондаков и Їкосов, отроковица она пеленами повита, пред Иконою лежаща, начат плачевен глас испущати, и иземше руцh от пелен очи протирати. // Родители возрадовашеся, и подемше от земля дщер свою, узрhша, и се яко чушуя струпы от очес отпадоша, и само дитя оно бысть на всем тhлh здраво, еже видяще вси приключшїися зде, даше славу Богу и Богородици. БЕСhhhhhДА. Пророковаше Ісаїя: у горы сея испіют радость, и піют вино [Ісаїя, 25]. Не вопрошаю тя, Пророче, у коея то горы испіют радость, испиют вино, егда в горh Болдинстей сицевое питїе вижду, пітїе же глаголю благодать Пресвятои Дhвы, от Иконы ея чудеснh истhкающую. То наша радость, то наше вино, еже всяк пїет притhкаяй несумhнно; притhкает зде печалный, и пїет радость. Притhкает сhтуяй, и пїет утhшенїе. Притhкает болящїй, и пїет здравїе. Притhкает немощный, и пїет силу. // Пртhкает грhшный, и піет спасенїе. Притhкает праведен, и піет надежду. Притhкает беззаконен, и піет уhломудрїе. Притhкает ненадежный, и піет упованїе. Притhкает невhжа, и піет разум. И вси притhкающїе піют от обилїя благодати ея поток сладости духовныя, она бо есть рhка Божїя, даров наполненная. От ея же исполненїя и мы приемлем. Повhствует Давид, яко вино веселит сердце человhку: и кое вино тако веселит сердце, яко ты, о Марїе, Лозо истиннаго винограда? [Пс. 103] Ты еси чаша черплющая радость, чаша же добра претрусна и преизливающаяся. Праведных цhлою чашею радости напаяеши, грhшных же тhми каплями, яже от изобилїя чаши твоея преливаются; обаче нас и сими напой жаждущих. Аще бо псы ядят от крупиц падающих от трапезы господїй своих, то тыяжде псы и да пїют от каплhй преливающихся чаши милости твоея, и довлhет им [Матф. 7]. Силна бо есть едина капля твоея благодати увеселити сердце, якоже и цhлая чаша. // Пишет Іоан святый, яко в канh Галилейстhм сотвори Ісус начаток знаменїям своим, претвор воду в вино, и яви славу свою [Іоанн, глав. 2]. Да будет ми лhт рещи, яко начаток чудес своих Господь мой сотвори в Пречистой Дhвh Маріи, тако ей чтет Церков похваляя: Радуйся, чудес Христовых начало, зде то всhх знаменїй и чудес Божіих главизна. Радуйся, велhнїй его главизно. Зде яви славу свою, в утробh славнhйшой Серафимов вселся, и сотворив спасенїю нашему начаток, и вhчныя тайны явленїе [Ікос 2]. Тамо лучшее свое вино поставил на 210 Сіверянський літопис конец брака, идеже можаху мнози уже быти и пяни. Зде же вино сїе мысленное, глаголю, Мате свою Пречистую, поставляет в начало жажды нашея, егда жаждем спасеня, егда жаждем в бhдах помощи, егда жаждем въ скорбех утhхи. Жаждным нам ю подаеть, сице жаждным, яко же жаждеть елень на источники водныя. Вино брачное на время увеселило другов жениховых; сіе же увеселяет на вhки. Аще тамо от воды вино составися, и зде вся воды скорбїй, печалїй и недугов наших претворяются // въ вино радости, веселїя и здравїя. О, Пречистая, исполни веселїя сердце мое, твою нетлhнную дающи радость, веселїя рождши виновнаго. НРАВОУЧЕНЇЕ Двh суть слепотh: тhлесная и душевная, но другая горша есть первыя. Тhлесная бо аще и всhм видится зла, яко вкупh съ свhтом вся утhхи отемлет, по реченїю Товїи святого: како мнh радость будет понеже в тмh сижу и свhта небеси не вижду, обаче временна есть, вкупh с житїем человhческим скончается [Товїя, глав. 10]. По скончанїи же тоя, начнет человhк зрhти свhт намерцающїй. Нhсть же и зла, ползует бо душу, и помагаеть спасенїю. Отяту сущу очному зрhнїю, отемлется оказїа къ грhху [Вина]. Никогда сердце не вожделhет, аще око не покажет, и егда что внїйдет през ока до сердца, не скоро исходит от него, отколь глаголет Григорїй святый: единою образ лица сердцу чрез очи привязанный, неудоб великоя нужды рукама отрhшитися можеть [Св. Григор. на Іоан. глав. 31]. И римский древнїй мудролюбец Сенека, нhкоего в слh//потh утhшая, глаголет: яко слhпота есть частю невинности, а очи грhхов предводителми: плачеши, рече, яко погубил еси очеса. О, коль многим вожделhнїям путь тебh пресhчен есть? О, коль многих вещїй зрhти небудеши, их жебы тебh видhти неподобало? Или не вhси, яко слhпота есть частїю невинности [В щитh терпенїя, в Книзh 2, глав. 24]. Очеса кому показуют нечистоту, кому домы, кому имhнїя и многообразное зло. Воистину очи грhхов суть вожды. Аще убо очеса сице вредят дущу, то слепота, отемлющая вину вреда, есть неполезна, но и спасенїю виновна. А душевная слhпота, о, коль зла и душевредна, егда отемлет нам то, в чесом вся радость, все блаженное наслажденїе угодников Божїих залежит, в чесом вся труды покой имут. Вся подвиги вhнца носят, вси добродhтели похвалу и мзду приемлют. Се же есть виденїе лица Господня, то бо конец и пристанище всего скорбнаго пути, его же кто шествует, не почто ино, точїю да видит лице Господне. Когда прїйду и явлюся лицу Божїю, на //сищуся, внегда явитмися слава твоя. Того всегда лишает нас слhпота душевная, нечестивїи не узрят славы твоея, Христе Боже, и то само горhе есть паче всякого зла [Свт. Дамаскин]. Яко же бо лице Господне видhти, блаженhе есть паче всhх небесных блаженств, тако неведhти его, лютhе есть паче всhх адовых мучителств. Тако расуждает Златоустый г святый: аще бы кто повидhл тисящу геен, ничто же сего рекл бы лютhе, еже от блаженныя славы чести изгнану, и от Христа возненавидhнну бытии, и слышати от него: невhм вас [Златоуст на глав. 7. Гомилїа 24]. Слhпота же душевная есть: не познанїе себе, не провидhнїе грядущих бhд, смерти, суда и геены и вся смертны грhхи и страсти. В них же кто обыкнет и нехощет прїйти в чуство. О таковой душевной слhпотh премудрость глаголет: Ослhпи их злоба их и неувидhша таин Божеих, ниже мзды уповаша преподобїя [Премудр. 2]. И Данїил Пророк: развратиста ум свой и уклониста очи свои, яко невозглядати на небо [Данїил 13]. И псаломник: очи свои возложиша уклонити на землю [Пс. 16]. Сице // ослhпленным не являет Господь лица своего, глаголет у Іеремїи: хребет, а не лице покажу им [Іеремhи 18]. Заповhдуют врачеве здравому, дабы не присмотревался болящим или ослhпленным очесам, да не здравые зhници повредятся. И Небесный врач, от ослhпленїя нашего, лице свое с свhтлыми очеси своими отвращает. Отвращенїем, рече, отвращу Лице свое от них в той день, злоб ради всhх, яже сотвориша [В Закон. Глав. 31]. Егда же Господь отвращает от нас Лице Свое, тогда вся бhды нас постигают, еже сам изъявляет: разгневаюся яростїю на ня в той день и оставлю я, и отвращу Лице мое от них, и будут во изъяденїе, и обрящут я зла многа и скорбы [Там же]. Того ради Давид сhтует: Отвратил еси Лице свое, и бых смущен, отвращшу же тебh Лице Сіверянський літопис 211 возмятутся [Псал. 29]. Воспрянhм убо и къ благому врачу, просвhщающому всякого человhка, съ слhпотою нашею душевною притецhм молящеся: душевныма очима ослhплен, к тебh Христе прихожду, яко же слhпый от рожденїя [Конд. в Неделю 6 по Пасцh]. Не отвержи мене от лица твоего, не отврати Лица твоего от отрока твоего, яко скорблю [Псал. 8]. // Тебh рече сердце мое, взиска тебе лице мое, Лица твоего Господи взищу [Псал. 68. Псал. 26]. ПРИЛОГ Ослhпленный душею, ослhп и тhлеснh. Гробный тать окрадеся, збыв очес болеснh. Повhда нам Авва Іоан, яко единою вшедшим нам, аз и отец Софронїе, въ притвор великїя Церкве Александрїйскїя, никого же обретохом, токмо три слhпца сидяща. Приступихом убо близ их с всякою тихостїю, и сhдохом молчаше. Слhпци же ненадhющеся нас быти тамо, бесhдоваху к себh, и глаголя един к другому: воистину, брате, рци ми, како быть слhп? Он же отвhща: Еще юну ми сущу корабленник бhх, и пловущим нам от Африкїи, в пучинh ослhпох, белмо прием на очїю моею. Глагола же къ другому слhпцу: Ты же како ослhпе? Той отвhща: Гутник бhх, и от ярости огненныя ослhпох. Рhша же уму оны, ты како ослhпе? Он же отвhща, истину реку вам братїе, егда бhх юн, // не хотhх дhлати рукама моима. Не имый же чим питатися, крадях. Но внегда же сотворити ми много зла, въ един от дній стоящу ми на торжищи, зрhх несома мертвеца на погребенїе, одhянна въ ризы честны. Послhдовах убо им, да вижду, гдh погребут его. Они же принесоша в Церков святаго Іоанна, и погребоша его. Шед же аз нощїю, откопах гроб и свлекох его от рыз, на нем же бяху, оставль ему един хитон точїю. И яко хотhх отийти, взем много зhло, злый обычай глаголя ми: Возми и хитон, яко добр есть. Возвратих же ся окаянный, и яко хотhх совлещи хитон его, и оставити его нага. Встав мертвый и сhде предо мною, и протяг руцh свои на мя. Персты своими содра лице мое, и изъят обh оцh мои. Тогда окаянный аз оставль все, съ многою скорбїю едва избhгох из гроба. Се, братїя моя, сказах вам, како бых слhп. Яко же сія слышахом мы, по маа ми отец Софронїе и отлучихомся от них, и глаголя ми отец: Воистину отче Іоанне много ползовахомся днесь. Написахом же сіе // ползы ради слышащим, да увhдят вси, яко всяк творяй зло, не может утаитися пред Богом. РОСА УЗОРhhhhhШИТЕЛСТВА. Разрhшила еси съ уз человhческїй древняго осужденїя, тhм молю тя Богородителнице, разрhши всяк съ уз злобный сердца моего, связавши мя Пречистая Божественною любовїю зиждителя. [Дамаскин: в Октоиху, глас. 2. В Четверток на Павечерници: Пhснь 8]. Чудо 8. Близ Чернhгова есть весь, нарицаемая Холявин д. З тоя веси человhк бhсный, именем Ярмола, приведен бысть к Чудотворной Иконh Пресвятыя Богородица в Моснастыр Илинскїй. Иде же в Неделю Святаго Духа, по святой Литоргїи, ради зhлныя в нем дhмонскїя крhпости, в папhртh Церковной, привязану ему сущу, отвязаня и опутання // бhсовскаго бысть раздрhшен силою Богородичною. БЕСhhhhhДА. Кто либо во узах сый хощеши отрhшитися и свобод быти, зде внемли: Марїя раздрhшает узы, та дает свободу. Связа иногда Олоферн Ахїора къ древу рукама и ногама, и кто его отрhши? Град Вефулїя: сынове Ізраилевы исходяще от Вефулїя, прийдоша к нему, и разрhшивше его, приведоша въ Вефулїю [Юдиф. Глав. 6]. Вефулїя бяше образ Богородичин, яко же бо град он неодолhн бысть врагами, тако ни Богородици одолhвают вси хулящїи ю. И яко от Вефулїя рука женска усhче главу Олофернову, тако Богородица обезглавит тмы князя. И яко жители Вефулїи Ахїора от древа отрhшают, тако молитвы Богородичини рhшает всякаго Олоферном адским связаннаго. Благополучен еси Ахиоре, яко аще и связан был еси, обаче близ Вефулїя прообразующея Матер Іисусову, // точїю бо сhнїю тоя, приял еси отрhшенїе. Благополучни и мы, приближающїися к самой Богородици, тою бо чаем избыти уз наших. 212 Сіверянський літопис Не единаго от нас враг наш невидимый вяжет, то коим недугом, то страстьми. Вяжет недугом, яко же реченнаго человhка. И в Евангелїи чтется о нhкоей женh, связаннhй бывшей от сатаны немало лhт: сію дщер Авраамлю сущу, юже связа сатана се осмое надесят лhто [Лука 13]. Недостояше ли разрhшитися ей от юзы сея. Вяжет нас враг страстми, на весь мір своя распростерши сhти, яко же видh святый Антонїй е от земля даже до небеси, тhми уловляет нас, аки птицу. Глаголет святый Амвросїй є: яко же птица, тако душа наша многоразличными виды уловляется: сило в златh, сhть в сребрh, пленици в имhнїях, узы в любодhянїи [О добрh и сметри. Глав. 5]. Егда злато собираем, удавляемся. Егда сребра ищем, уловляемся. Егда имhнїя наслhдствуем, затязаемся. Егда кого доброта денская прелщает, сего узами связует. Того ради плачет Іеремhя: // ловяще уловиша мя, яко птенцу врази мои туне [Плач. 3]. Въ сицевых узах что сотворим? Возопїим к Богородици, тою яко Ахїор Вефулїею будем разрhшенны. Вефулїя излагается Дhва, и кая дhва сице есть силна разрhшати узы, яко Дhва Марія? Та имать власть вызати и рhшати. Но кого она вяжет? Кого же рhшит? Вяжет Сына Божея на Землh пеленами, вяжет и в Небесh молитвами. Да елико связася на земли, будет связан и на небеси. И толико его на небеси молитвами вяжет, яко ниже руку ему воздвигнути во еже ударити казнею грhшника. И аще бы не она его связовала Матерними молбами, уже бы в ад вселилася душа наша. Аще бо не бы ты предстала молящися за ны, кто бы нас избавил от толиких бhд, кто бы нас сохранил до нынh свободны [Параклис]. Кого же та узорhшителница разрhшает? Нас связанных грhхами, сице к ней молимся: разрhши мглу прегрhшенїй моих Богоневhсто [Там же]. Нибо терпит рода человhческаго связана зрhти, сущи свободы Мати. Связаны быхом клятвою все//родною, юже наведе праМати Евва, сію разрhши Дhва Богородица: Радуйся, клятвы разрhшенїе, падших исправленїе [Акафист на Хвал.]. Связаны бhху неплодїем Родители ея Іоаким и Анна, и сія узы она разрhши: днесь безчадїя узы разрhшаются, Іоакима и Анны услыша Бог, паче надежды родити тhма явh обhщавает Богоотроковицу [Троп. Девам. 9]. Нераждаем и мы добродhтелей плода, аки смоковница неплодная, связаны бо есмы узами грhхолюбїя. Взыщhм прилhжно от узорhшителки разрhшенїя, тоя молитвами разрhшенїе улучивше, принесем плод Духовный: любы, радость, мир, долготерпhнїе, благость, милосердїе, вhру, кротость, воздержанїе [К Галат. 5]. О, Мысленная Вефулїе, разрhши мя пленницами грhхов связаннаго, да достойны сотворю плоди покаянныя. НРАВОУЧЕНЇЕ Не точїю своими хитросплетенними пленницами, но и нашими свойственными враг нас связует, егда мы возлюблше кую страсть, самы ея держимся, о ней любезнh помышляюще, и ту мысль в сердцh сладцh у//державающе, и неточїю исполнити желающе дhлом, но и благополучнаго на се времени ищуще, и самы оказїю себh подающе до грhха, отсюду глаголет приточник: пленцами грhхов своих кождо затязается [Вину Притч. 6]. Юн нhкто моли старца молитися о нем, да облегчают ему страсти, яко зhло ми, рече, стужают и не могу терпhти. Молившу же ся святому немало время с постом и бдhнїем, прїйде юный повhдая, яко нималу имать ослабу от навhта вражїя. Чуди же ся преподобный како не успhвают молитвы его, и приложи пост к посту, бдhнїе к бдhнїю, труды к трудом, моля Господа да отженет искусителя от юнаго. И се явися ему бhс глаголя: Что труждаешися старче о нем, юном; аз повнегда ты начал о нем молитися, отступих от него. Но той сам себh бhс, ядый и пияй безвременнh, и спяй доволh, упоковая свое тhло, живя в праздности, и приемля любезно скверныя мысли, сих удерживая, и в них услаждаяся, и то ему возбужает страсти, зачинает // грhх и родит беззаконїе. Смотри како отец лжи глаголет истину, воистину бо от нас самhх, от нашего произволенїя, множицею дhются неподобная, по реченному: А еже от них бываемая отай, срамно есть и глаголати. И мы сами волною волею, многащи виновни погибели нашея бываем. Убо возненавидhм грhхи наша, отсецhм страсти наша, непрїемлhм сокровенних Сіверянський літопис 213 мыслїй, ниудержаваймо их в сердци нашем, в пищи и питїи будhм воздержны, въ снh бодры, в дhлh не лhнивы, тако разрешим пленици грhхов наших, расторгнем узы их, и отвержем от нас иго их [Псал. 2]. Внемлhм Апостолу совhтующу: да не царствует убо грhх в мертвенном вашем тhлh, въ еже послуша ти его в похотех его, ниже представляйте уды ваша оружїя неправды грhху, но представhте себе Богови, яко от мертвых живы, и уды ваша оружїя правды Богови, грhх бо вами владhти не будет [Рим. Гл. 6]. Яко же бо представисте удеса ваша рабы нечистотh и беззаконїю в беззаконїе, тако и нынh представhте удеса ваши рабы правдh во святыню. // ПРИЛОГ Аще и связан бяше, но исповhдися, Воин Христов от жены скверной невредися. Святый Іероним ж, пишя житїе Преподобнаго Павла Фивейскаго з, вначалh приводит нhкоего юношу египетска, его же Пролог Философа наречет, Дрезелїй и же сего Никиту именует. Сей в царство Декїя по Христе страда, его же немогуще лестными словесы отвратити от Христа, умыслив хитрh мучитель да девство его растлится, сицевым образом [Пролог мая 31 дня]. Во вертоградh зhло краснhм, посредh цвhтов благоуханных, источников звинящих, посредh древес шумящих тихим вhтром и птиц поющих краснh, повелh уготовати одр, порфирою и виссоном устланный, и на нем юношу святого положше лицем ко небеси, руцh и нозе к одру мякими шолковыми платны привязати, яко ниже двигнутися ему. Сему же бывшу, вси отидоша, оставлше его единаго на одрh тако лежаща, и се прїйде от сада жена юна, и лицем свhтла. // Сїю узрhв очи смhжи, но невозможе ушес заткнути, ниже рукама отятися ей, связан бо бяше. Она же приступлши к нему, нача благими словесы прелщати его, и глаголаше яже ко любодhянїю. Сему же молчащу, она начат лобизати его, и безстуднh осязанїем дерзати, яко уже в юном тhлеси возгорhтися огню похотному, и невидяше, что сотворити страстотерпец, нибо можаше ю от себе отринути, ни лица от сквернаго лобзанїя отвратити, ни ушес от неподобных ея глаголов заградити, ниже извинитися от руку ея, яко иногда цhломудренный Іосиф в Египтh от Пентефрїи. И зри что творит доблїй страдалец: стиснув зубами язык свой крhпцh, и пресhче его, и плюну отсhченным языком налице блудници. Сему же бывшу, болезни велика со излїянїем многим крове, угаси пламен его. Жена же видhвши невиданное, ниже слышанное когда сіе дhло, отвhже трепещущи. И видя мучитель, яко ничим же может преодолhти непреодалhннаго Христова воина, мечем главу его усhче. О како странен образ храненїя чистоты и цhломудрыя. // РОСА СИЛЫ МУЧАЩЫЯ НЕВИДИМЫХ МУЧИТЕЛЕЙ Радуйся, невидимых врагов мученїе. Чудо 9. От стран полhских прїйде к Монастиру Илинскому человhк нhкїй, именем Михаил. Сей страждаше от духа нечистаго, но воскорh зде силою благодати Богородичной, от образа ей бывающей, избавлен бысть от той болhзни. За что благодарячи свою благодhтелку Пресвятую Богородицу, труждался в монастирском послушанїи не малое время. БЕСhhhhhДА Мнози бяху мучители, различныя образы мук изобрhтающїи на человhка. Кто мечи, кто огни, кто разженныя волы и сковрады, кто кипящую смолу и елей, кто // во водах потопленїе, яко глаголати святым Мучеником, пройдохом сквозh огнь и воду, но ни един тако лют мучитель, як дїявол, ни едина лютhйшая мука, паче муки духа лукаваго, иже множицею во вергает человhка во огнь и во воду, да погубит его. Не малы и во адh глаголют быти мучителства: огнь неугасимый, скрежет зубный, черв не усыпающый, и прочїя. Но ни тыя суть точны дhмоном, глаголет бо ся: Яко точїю видhнїе их страшнhйше есть паче всякоя муки. Сих страшных и прелютых мучителей, кто умучити, и от мук их кто избавити может? 214 Сіверянський літопис Может Пресвятая Дhва Марїя. Ярашеся Авимелех на братїю, их же и избави, на Сихем, его же и запали, на Фивис, его и обсhдh, и кто его прещенїя яростнаго неубояся? Вси пробhгши, крияхуся, вси изыйдоша на столпы и защищахуся [Судей гл. 9]. Обаче не убояся жена, но и прещенїе его укроти, и ярость попра, сверже изломок жерновный на главу Авимилеха, и сокруши ему тhмя. Се образ быше Благословенной в женах, яже каменем, // Христом, порози на главу адска Авимелеха, убивающаго ны, он человhкоубїйца искони, и запаляющаго ны, огнем страстїй. От юности моея враг мя искушает и страстми палит мя. И обсhдающаго ны своим ловленїем, сhть препя ногама нашима, при стези соблазны положил нам. Мимо иду зде Іаил, яже колом проби главу Сисаррh, ниже возбесhдую о Юдифh, обезглавившой вождя вой ассирїйских. Обh тыя бяху сhновное прописанїе Дhвы Маріи, стершой главу мучителеву [Глав. 9]. Кому бhс язва, Марія бhсом рана. Радуйся бhсом многоплачевный струпе [Акафист, Ікос 2]. Кого Дуси лукавїи смущают, она Духом Святым осhненна, духов лукавых мучит, яко вопhти им к Сыну ея: пришел еси прежде времене мучити нас. Вси убо боящїися бhсовскаго мучителства, к ней прибhгнhм вопїюще: о, Всепhтая, грядущаго нас изми мученїя. НРАВОУЧЕНЇЕ О свяком внечистотh провождающом дни своя, глаголатися может яко стра// ждет от духа нечистаго. Гдh бо тако дух нечистый жити любит, яко во удесех блудничых? Совhтоваше иногда Ангел Рафаил Товїи пояти себh в жену Сару, отрече ему Товїя, глаголя: слышах, яко дана бh седми мужем, и мертвы суть, но и се слушах, яко демон уби я [Товїя глав. 6]. Отвhща ему Ангел: послушай мя, яз ти скажу, над ними же демон имать власть, сіи иже оженяются сице, да Бога от себе и от своего ума отгоняют. И свему блудству тако настоят, яко конь и меск, над ими дhмон имать власть. Но что глаголеши о Ангеле, яко над тhми точїю имат власть дїявол? Не имат ли власти над инhми грhшниками, над гордыми, над завистными, над гнhвливыми, над обястными, над пяницами и прочїими? Имать воистину, пишет бо ся в Апостолh: творяй грhх – от дїявола есть. Обаче паче инhх власть свою в блудницhх распростирает, ибо суть свойственнh еговым жилищем. Изгоняше иногда Господь бhсы от бhснаго, их же бяше легеон. И се молят его да неповелит // им ити во бездну, но во свинїя пасомыя при водах, и повелh им Господь. Они же изшедше, внїйдоша в свинїя, яко во свой дом свойственный. Двое зде два учители заходнїи усмотруют, Августин і с Петром Хризологом ї, первое: Почто бhсы горды суще не просят внїйти въ великїя и славныя кія звhры: во львы, риси, слонh, еленh и прочая, но во безчестьныя свинїя? Второе: почто Господь не отрече им, но скоро повелh, понеже первhе ни единаго их прошенїя послушати хотяше: просиша да каменїе хлhбы будут, да вержет себе низу со крила Церковнаго, он же никако их послуша, въ свинїя же внїйти без отреченїя попускает. И отвhщавают на се: всяка, рече, вещ подобная себh ищет. Бhси суть нечисты. Тако Господь наричет бhса изгоняя: душе нечистый, изыди от человhка [Марко 5]. Нечисты же суть и свинїя, в блатh валяются, их же и мяс ясти, яко нечистых неповелhвашеся во ветсhм завhтh. И того ради бhсы во свинїя, нечистый в нечистых внїйти просят, яко подобнїи подобных любять. Тако Хри//залог, зри рече, гдh бhс хощет жити, в нечистых животных и мерзских, и он бо нечистоту любит. На второе же отвhщавает Августин блаженный: того ради повелh Христос внїйти бhсом в оны свинїя, да покажет, яко оны в тhх живут, иже во мерзостех, яко же свинїя въ блатh валяются. И кия то суть, иже яко свинїя въ блатh в мерзостех живущїи? Воистину сїи иже нечистотh тhлесной служат, тако повhствует святый Хризостом: и что зло несодhлает плотская слать, от человhка свинїю творит [Гомилїя 99, к народу]. И прилагает он учитель, что в таковом, яко же в дому своем, дїявол прибывает, таков, рече, человhк ничим же разнствует от бhснаго, сице есть безстудей: сице яр, сице злобен, яко же бhсный. Гдh нечистота, тамо и бhс. Повесть чтях у Проспера, иже живяше въ времена Августина блаженнаго, яко в Карфа(г)енh бяше нhкая дhва от Аравїя, иноческая одhянїя носящи. Сей случися видhти образ языческоя богини Венери, зhло безстуднh Сіверянський літопис 215 изображенный. Отсюду // прїять скверную мысль во сердце. Да яко же в ней надолзh услаждашеся, распаляшеся похотїю, и соизволяше мыслїю, и бысть бhсу жилище. Внїйде бо вню дух нечист и мучаша ю. Зри како замышленная точїю нечистота, уже бывает вертепом разбойнику дїяволу. То что речем о исполненной дhлом? Убоимся убо братїя, сія слышаще. Хранhмся нечистоты да нетаяжде постраждем. Очистhм себе от всякоя скверны плоти и духа, творяще святыню в страсh Божіи. Поревнуим тhм, иже и смертїю пострадаша, цhломудрїя ради. ПРИЛОГ Умрhти, неже жити изволи, да чиста будет, Дhва жениха небеснаго и ста. Отроковица нhкая христїянска восхищена бысть от Персов, и ведоша ю къ князю их, бh бо красна зhло. Непрестанну же молитву въ сердци слезами Владицh Христу възсылаше, яко да сохранить ю нескверну от нечистиваго их князя, юже и услыша Бог, подаде бо ей сице//вое умышленїе. Егда нечестивый князь видhв ю, уязвися добротою ея, и восхотh быти с нею. Она смысленна сущи, глаголя к нему: се вижду Господине мой, яко аз от дне сего жена твоя имам быти, и Госпожа всhм имhниям твоим. Но любя тя молю тя, остави мя нощ сію, да скажу ти заутро чудну вещь. Князь же вопроси ю, и кая есть вещь? Отвhща: былїе, рече, нhкое вhм, еже аще покажу ти, не имаши убоятися на раты [на войне] ни меча, ни стрhлы, ни инаго оржїя, вреждающаго тhло. Он же рече: заутро речеши ми сіе, нынh же буди со мною. Она же рече: немощно сему былїю повhдану быти от жены растлhнны, но от небрачныя Дhвица. Понеже аще не сице, яко же глаголю ти, то не дhйствует былїе оно. Слышав же князь сія, отпусти ю в ту нощ. За утра же глаголя к ней: гряди и скажи ми былїе оно. Блаженная же отроковица, шедши с ним единhм во вертоградh, и вземши былїе нhкое, еже обрhте ту, рече к нему: се былїе еже рhх ти. Он же к ней: и како увhм, аще истинна есть, яже ты глаголеши? Она же, вземши, // помаза шию свою тhм былїем, и рече ему: възми меч остр, и замахни крhпко обhма рукама, и удари елико можеши, и от сего увhси, яко ни мало мене коснется меч твой. Он же вhровав словеси ея, и взем меч, принесе на главу святыя Дhвици, замахну и удари, и отсhче главу ея. Послhди же разумhв, яко поруган бысть от нея, нача скрежетати зубы своими на ню, но что успh? Уже бо мудрая дhва отиде нескверна к Христу жениху своему, оставлши предивен образ, хотящим чистоту сохранити. О окаянныя нечистоты нашея, мы ниже малыя страсти претерпhти хощем доблественнh. Сія же смерть пострада, да сохранит дhвство свое нетлhнно. РОСА ПРОГНАНЇЯ ЛУКАВЫХ ДУХОВ Радуйся мучителя безчеловhчного измhтающая от началства. Ікос 5. Чудо 10. З литовскоя страны, от предhл града Мhнска й, человhк именем // Демян, имый духа лукава мучащаго и. Слышавши о чудотворной Пресвятой Богородици в Монастиру Їлинском Иконh, и о бывающих при ней скорих исцhленїях, ятся пути, несый со собою бhду свою, злаго мучителя. Егда же бяше близ, противу Церкви Пресвятои Богородици Елецкои, стоящои между Чернhговом и Монастирем Ілинском, (еще же тогда та Елецкая Церков бяше пуста и не бh никого при ней живущаго) к, начать его бhс мучити, по землh валяти, пhны тhща. Случи же ся тhм путем Иноком ити от Града в Монастир, иже видhвше его, сожалишася зhло, видяще таковое му//ченїе его. И вземше, ведоша к Иконh Пресвятыя Богородици, в Монастир Ілинскїй. Да яко введоша его в Церков, в той час изыйде из него лукавый дух, он же быст здрав благодатїю Богородичною, и многое время в Монастирh том послужи. БЕСhhhhhДА Невhста коего духа еста вы, речеся иногда нhкїим учеником Христовым [Лука 48]. Нынhшних времен, егда бы кто восхотhл присмотрhтися различным различных людїй духовом: духу гордыни, духу неправды, духу лукавства, духу вражды, духу рвенїя, духу ярости, духу ненависти, что бы рекл? Точїю се: невhста коего духа 216 Сіверянський літопис еста, кождо бо своим духом дышит, а не яко же прежде, вси единым дышаху, живуще в любвh единодушни, единомудренїи. Нынh же друг друга раздражающе, друг другу завидяще, // суть многодушны. О душh своей сице другїй небрежет, яки бы не едину, но многїя имhл души: погублши едину, имать прозапас другую и десятую. Сицевых достоит нарещи бездушными, не хранят бо душа своея в живот вhчный, имуще в сердци своем много духов злобных собранных, яко событися глаголу Давидову: сердце его собра беззаконїе себh. Но кто от нас сія беззаконныя отженет духи? Та на ню же Дух Святый найде, и сила вышняго осhни, аще точїю Духом сокрушенным и смиренным к ней прибhгнем. Мучаше иногда Саула бhс, Дух Господень отступи Саула, и давляше и дух лукавый [1 Царств 12]. И что творят отроци его? Ищут Давида со гуслами. И быст егда быти духу нечисту в Саулh, прїим Давид рукама своима гусли, и пояше и, и отдохну Саул, и благо ему быст, и отступи от него дух нечистый. Откуду гуслем сим сицевая сила, яко возмогоша единhм подвиженїем струн отгнати от человhка духа лукаваго, его же едва кто прилhжною молитвою и великим постом, несумh//нною же вhрою изгнати может? От сюду, яко прознаменоваша Дhву Богородицу, тако бо ей чтет Церков: Радуйся Бого+Отца Давида составна цhвнице Духа Святого [Акафист Успенїю, Ікос 5]. И то прогоняше духа лукава, яко в тых гуслех бяше прописанїе Матере Господни, ея же молитвы аки струны егда возгласят пред Богом, ябїе вси Дуси лукавїи пробhгают, аки прах вhтром возмhтаемый. К сей убо воззовhм молящеся, да проженет от нас духи лукавыя, и да умолит Бога Дух прав обновити во утробh нашей. Молитвеннице теплая, непрестай молящися о рабhх твоих. НРАВОУЧЕНЇЕ Не точїю пред Саулом, но и пред Богом Давид пояше в гусли, глаголет бо: Пою тебh в гуслех Святый Ізраилев [Псал. 70]. Пояше пред Саулом, да отженет злаго духа. Пояша пред Богом да привлечет благаго духа, уста, рече, моя отверзох и превлекох дух. Дух же благїй наставляющ на землю праву. Но в кія гусли пояше Давид пред Богом? Чаю болhе неже во вещественныя, пояше в гусли мысленныя. // Си есть в Божія оправданїя, сохраняя их. Оправданїя твоя сохраню, неостави мя до зhла [Псал. 148]. Божея бо заповhди в правду гуслми нарещися могут, ибо яко же в гуслех, аще едина струна не будет настроена, вся гусли несогласну издадут пhснь. Тако в заповhдех Божеих, аще едина неисполнится, то вся нивочто же, аще кто в едином согрhшит, глаголет Іяков: быст всhм повинен [Іаков, глав.1]. Егды убо и мы хощем отгнати от себе злобныя духи, привлещи же благаго духа, прїймhм гусли Божія заповhди, и тыя сохранhм вся, аще бо не вся сохраним, то небудет приятна пhснь наша Богу. Давид глаголет: яко благо есть исповhдатися Господови, и пhти имени его, в десятострунной псалтири с пhснїю в гуслех [Псал. 91]. Чрез десятострунную псалтир, учители разумhют десятерицу Божіих заповhдей. Егда кто въ вся сія струны воспоет, си есть, егда вся исполнить повелhнїя, сего благо есть исповhданїе. Поминает Господь в Евангелїи жену, погублшую от десяти едину драхму, како со прилhжанїем // ея ищет, вжигает всhтилник и помhтает храмину, и ищет прилhжно, дондеже обращет, обрhтши же созывает другиня и сосhды, глаголющи: сорадуйтемися, яко обрhтох изгибшую драхму [Лук. 15]. И что се есть, яко сице радуется о обрhтенїи десятоя драхмы? Не без труда чаю стяжя себh драхму первую, и другую, и третюю, и прочїя, но ни о единой сице радуется. Егда же обрhте уже десятую, тогда созывает другиня и сосhды сорадоватися ей. Григорїй святый учит: Яко десятая драхма знаменует десятую Божїю заповhдь. Нерадовашеся убо жена обрhтши первую, и вторую, и третїю драхму, но возрадовася о десятhй, показуя, яко не имат чесо радоватися человhк, сохранив Господню заповhдь едину и другую, но тогда поистинh възрадуется, егда и десятую совершит, аще повелhнїя Господня дhлом исполнит, тогда рече, непостыждуся егда призрю на вся заповhди твоя [Псал. 118]. За преступленїе же и малыя заповhди казнит Бог неточїю злаго, но и добраго, не в будущем ли, то в нынhшнем вhцh. Яко же бо у него и ма//лая Сіверянський літопис 217 добродhтель без воздаянїя, тако и малое прегрhшенїе без казни не бывает. Праведен Судїя, и комуждо въздаст по дhлом его? ПРИЛОГ Грhшнаго малу правду добрh зде воздано. Праведнаго малый грhх смертю покарано. Повhдаше святый Афанасїй л о нhкоем отци, отшелнику добродhтелном, знаменїи и чудесы сїяющом. Сего отца ученик, нhкоя ради потребы послан, иде в град, в нем же бяше нhкто богат, зол и немилостив, небояйся Бога. Входящу же ученику во град, се видит онаго богатаго уже умерша, и провождают его къ гробу со свhщами и фимїяны. Пресвитери и дїяконы, и мног народ поюще: Со святыми покой Христе душу раба своего. Дивляше же ся како с великою честїю погрhблют его, аки святаго нhкоего, сотвор же повелhнное ему дhло, возвращашеся в пустыню. Да яко приближися к келїи старца, обрhте правителя своего святого и честнаго отца, пред дверми келїя, звhром у еною // изяденна. И начать плакати и рыдати горко по старцу, падая над костми его и бїяся, в горести же душа своея глаголаше к Богу: Господи, како злый он богатый славно умре и честно погребен; А сей духовный старец, толико лhт в трудhх постнических, в молитвах и слезах препровадивый, горкою и безчестною смертїю скончася, изядей звhрем. Всуе труд наш пустинный, всуе тhснота житїя нашего, всуе отреченїе наше, понеже мірстїи людїе во пространствh и всякой утhсh живущїи, лучшей кончины сподобляются, неже мы бhднїи. Се ему глаголющу и плачущу, ста пред ним Ангел и рече: что жалhеши по старцу и плачеши по своем учители? Богач оный во всем житїи своем злом, имhяше едино малое доброе дhло, и зато прїять мзду на земли честное погребенїе, да тамо доконца осужден, идет в геену. Твой же отец и учитель честный, всякими добродhтелми украшен, во всем житїи своем угоди Богу, и имhяше же яко человhк нhкое малое прегрhшенїе, и зато по//пусти ему Бог тою лютою от звhра смертїю скончатися. Зде его казня, да весма очищен идет от житїя сего предстати Престолу Господню съ Святыми Мученики, во велицей чести и славh, яко мученик и доблїй страдалец. Сія рек Ангел, невидим бысть. Ученик же утhшися от плача, извhщенїе прїем о старцh, яко предстоит Господню Престолу. И спрятав мощи его честныя, поживе на том мhстh лhта доволныя, въ всяцей добродhтели, до блаженныя кончины своея. Праведен Господь, и нhсть неправди в нем, судбы же его бездна многа. РОСА ИСПРАВЛЕНЇЯ ЧЕЛОВhhhhhКОМ Ты вhрным спасителница, Богородице, и слhпым наставница, и падающим исправленїе. Дамаскин, в Октоиху, глас 1, на Повечер. Пhснь 8. Чудо 11. У Василїя Болдаковского, жителя Чернhговского, бяше слуга именем Клим. Сему от бhса мучену быти Бог попустил. Мню, исправленїя его // ради, вся бо на ползу нашу строить, наказуя нас различными казнми, яко отец чадолюбивый да уцhломудримся. Сего Клима бhсна ведше в Монастир, привязаша и к столпу в пещерh Преподобнаго Антонїя, сущей здhже при Церкви. Живяше бо Преподобный нhкое время на том мhсту, о чесом повhстауется в Патерику Печерском сице: Прелестник възбуждаше Изяслава, да гнhвом своим Преподобнаго Антонїя от предhл Кіевских ижденет [Лист 12 в житїи Преподобнаго Антонїя]. Яко же на нhкое время и получи желаемое враг, извhщен бо быв о том Князь Чернhговскїй Святослав, яко брат его Изяслав на Преподобнаго Антонїя гнhвается зhло, // присла по святого нощїю, и к Чернhгову того взять. Идеже он возлюби мhсто близ града в горh Болдини, и ту пещеру ископав живяше в ней, на нем же мhстh создан бысть и Монастир. В той пещерh реченный Клим, привязан сый, свободися от бhса чудовною Благодатїю, свыше на то мhсто излиянною, молитвами Дhвы Богородици и Преподобнаго Антонїя. БЕСhhhhhДА. Всяк хотяй злое свое исправити житїе, зовет с Давидом: обы исправилися 218 Сіверянський літопис быша путїе мои сохранити оправданїя твоя [Псал. 118]. Но кто я исправит? От Господа стопы человhку исправятся, без него же творити не можем ничесоже [Псал. 36]. Убо да исправит Господь стопы наша, помолhм Богородицу ходотайствовати о нас, та бо молитвами своими, многим от Бога испрошует // исправленїе. О благоразумном разбойницh различныи разлинh гадателствуют, чим спасеся: иныи глаголют вhрою, яко же вышше в Нравоученїи третем рекохом. Друзїи глаголют покаянїем, яко Дамаскин пишет: разбойниче покаянїе Рай отверзе [И пакой, глас 1]. Иный спасенїя его вину сокрушенному в молитвh сердцу приписуют, яко съ совершенным о грhсех жалем помолися, рек: помяни мя Господи. Сердца, рече, сокрушенна и смиренна Бог не уничижит. Иные исповhданїе его глаголют быти виновно спасению, яко исповhдашеся глаголя: Мы убо праведно по дhлом наю воспрїемлева. И за се исповhданїе спасеся. Исповhм, рече, нама беззаконїя моя Господеви, и ты отпустил еси нечестїе сердца моего [Псал. 11]. Обаче яз вопрошаю, откуду прїйде сему разбойнику сице скорое исправленїе, яко и вhрова, и покаяся, и сердцем сокрушенным помолися, и исповhдася? По что сего исправленїя не бh в нем, егда на смерть судяшеся? Егда вслhд Христа на распятїе ведяшеся? Егда на Крест привязовашеся? Но егда со Крестом от земля вознесен, ста по единой странh Креста // Христова. Обрhтаю у нhкиих мудрецов, глаголющих, яко между Крестом Христовым и Крестом разбойническим, стояше в то время Мати Іисусова, Пресвятая Дhва Марія [Петр Дам. и Салмер. в томh 10, трактат 40]. Се имаши вину внезапнаго преложенїя и исправленїя разбойнича. Матер Господню, та то стоящи между Господем и грhшником, тайно исходотай у Господа дhйственную грhшникови къ исправленїю благодать. Егда стояше Мати при Крестh, тогда къ Христу обратися разбойник, иже не обращашеся прежде, дондеже не ста между ими Марїя. И что дивно, яко ею исправляются человhци в новой благодати, егда в ветсhм завhтh еще сhнїю и прописанїем ея тожде бяше. Развращающагося Ізраиля хотя Бог исправити, даде Закон на скрижалех. По что убо не на хартїи или на кожах, но на скрижалех изволи Бог написати своя велhнїя; того ради, яко да пропишет Дhву Марїю, и покажет, что ею хощет спасти и исправити мїра, яко же воспhвается в Догматh: и спасе Богородицею мїр Христос, имhя велїю милость [Догмат, глас 4]. Скрижали бо прознаменоваша Матер Божію, на ней же хотяше сам законодавец // написатися, сице ю именует Церков: закона новаго Ковчег нарицаем тя, и Благоначертанную скрижаль, в ней же слово написася Божїе [Мінея, Іюня 20, Пhснь 9]. Такожде и Святый Ефрем м ея нарицает: скрижаль вписанный закон человhком приносящая. И сїя то новая скрижаль, Ізраилеви исправленїе въ ветсhх приношаше скрижалех сhновнh, нынh же въ Благодати новой, самою вещїю исправляет падших, егда от страстей свобождает, от заблужденїя отвращает, от грhхов молитвами очищает, от бhд избавляет, от бhсовских навhтов защищает, и тhх иже бяху отчаяан своего спасенїя, на стезю спасенную наставляет, и благонадежными творит. Еже исповhдует Дамаскин Святый: Рождши Бога и Спаса всяческим, Маріе, бысть ти отчаянным исправленїе, грhшником обновленїе, и ненадежным Надежда. НРАВОУЧЕНЇЕ Исправити Господь человhка хотя, многїя на него наводит казни. Между инhми не меншая казнь, егда кому попустит мучену бы//ти от дїявола, яко реченному Климу. Се же вhдати требh, яко дїявол над человhком не имать власти ни единоя, дондеже не дано ему будет свыше. Егда ему повелит Бог, тогда он прїемлет власть и мучит. О Іовh пишется, яко от Господа предан дїяволу страждаше, рече Господь дїяволу: се предаю ти его, токмо душу его соблюди [Іов, глав. 2]. Предает же Господь веловhка на сицевое мученїе, двоих ради вин, или искушеюще якоже онаго Іова праведнаго, да большїй вhнец за терпhнїе прїймет; или за грhхи казняши, и къ исправленїю приводяши. Тако казнен бяше той, его же Апостол поминаеть: предати таковаго сатанh воизможденїе плоти, да дух спасется [Коринф, глав. 5]. Кто бо на тhлh казнен бывает, сей на душh исправленїе и здравїе прїемлет. Искус сего имhяше, Павел глаголяй: егда немоществую, тогда силен есмь [2 Коринф, 12]. И Сіверянський літопис 219 того ради у Святого Іоана Лhствичника н, описанный темничники, моляху Бога, да попустит дїяволу мучити их тhлеса: овы убо бhсы быти моляхуся [Слово 3 о Покаянїи]. Хотяще сим плоти своея мученїем, прїйти в исправленїе и спасенїе души своея. Господи, нака//заннїе твое томя научит, точїю не яростїю твоею обличи мене, ни гнhвом твоим покажи мене. ПРИЛОГ Хотяй вhчныя избhжати раны, Молит, временнh да бы был караный. Брат сhдяше в Монаидстhм Монастирh, и се бh молитва его выну: Господи, не боюся тебе, но посли на мя или зол недуг, или напасть, или болhзнь, негли поне тако прїйдет въ страх окаянная душа моя. Се же глаголаше и моляше прилhжно Бога, глаголя: вhм яко невозможно есть да простиши ми грhх, много бо согрhших во Имя твое, Владыко, много и злh. Но аще есть мощно, щедрот твоих ради воспрїйми мя от грhха. Аще ли се не может быти, то помучи мене здh, а тамо ослаби ми поне малу часть от муки, токмо начни от селh казнити мя, не яростїю твоею, Владыко, но человhколюбїем. Такожде пребыв лhто цhло сокрушенїем сердца, моляся Богу, постом многим и смиренїем. Мысль же имh в себh, глаголя: что убо есть слово, // еже рече Господь: блажени плачущїи, яко тыи утhшатся [Лука зач. 24]. Единою убо сhдящу ему на земли, и плачущуся по обычаю, и от пепчали въздремавшуся, явися ему Христос, и глагола тихим гласом и лицем смиренным: что имаши человhче? И что сице плачешися? Глагола же той: яко падохся, Господи. И рече ему явивыйся: востани. И отвhща лежай: не могу, аще не простреши ми руки. И простре руку и возведе и. И паки глагола ему явлейся тихо: что плачешися человhче, и что скорбиши? Отвhща же брат: не хощеши ли, Господи, да плачуся и скорблю, яко толико тя оскорбих? Тогда простер руку свою явлейся, и положи длань свою на сердци брату, и мазаше ею, и рече ему: не скорби, поможет ти Бог, понеже ты сам ся оскорбил, к тому аз не оскорблю тя. Тебh ради кров свою дах, колми паче дам и человhколюбїе всякой душh кающейся. И пришед в себе брат от видhнїя, обрhте сердце свое в себh всякоя радости исполнено. И извhщенїе прїять, яко сотвори ему Бог милость. И поживе прочее лhто въ мно// зhм смиренїи, хваля Бога, и в том исповhданїи к нему отиде. РОСА НИЗПАДЕНЇЯ БhhhhhСОМ Радуйся еюже врази низпадают. Ікос 12. Чудо 12. В Лазареву суботу, з Чернhгова, нhкто именем Пархом, прїведей бh к Чудотворной Иконh Пресвятой Богородици [Року 1674]. В том Пархомh, толико крhпка бяше сила бhсовская, яко hдва его четири человhки удержати и привести възмогоша, пружаше бо ся, изимаяся от рук их съ зhлным кричанїем. Но не долго о сицевой силh своей хваляшеся гордый дїявол. Воскорh бо изнемог падеся, и прогнан бысть силою Богородичиною. Человhк же сво//бождся горкаго мучителя, благодаряше спасителницу свою. БЕСhhhhhДА Воюет на ны враг всhми силами своими, подвиже вся легеоны, обыйде нас всhми коварствы, яко жалhтися нам: обыйде нас послhдняя бездна, обыйдоша нас, яко пси мнози, своим лукавых обдержаша нас. И что сотворим? Самы одолhти им невозможем, требh Господа в помощ, в подобнhй брани нhкто сим побhдив глаголет: аще не Господь был бы в нас, ни един же нас противу възмогл бы вражїей брани одолhти. Но мы Господа прогнhвахом зhло, и откуду помощь стяжем? Сотворhм совhт, съберhм полк молитвенников, иже возмогут и Господа о нас умолити, и полки вражїя побhдити. Призовhм Ангелы, съберhм Пророки и Апостолы, употребhм Мучеников, дhвственников, совокупhм Преподобныя, Праведныя, и вся святыя, да тыя ополчатся окрест нас. // Обаче сим всhма воем требh воеводы, кто бо гдh видh Полк без вожда ратующ? Ни сему воинству прислушает без началствующаго быти. Но кто посредh таковых воинских соборов 220 Сіверянський літопис достоин быти вождем? Никто же ин, точїю Пресвятая Дhва Марія, сію умолhм, да посредh полка молитвенников наших изволит воеводою быти. Та бо достойна началствовати всhми, Ангелов вышшая, Пророков честнhйшая, Апостолов болшая, Мучеников, Дhвственников, достойнhйшая, Преподобных, Праведных и всhх святых святейшая. Та убо да предидет въ Полцh, и падут вси врази наши под ногама, сице ю и Дамаскин святый молит: лики прїйми Архангел же, и множество вышних воинств зиждителя моего [Глас 6. В втор. на Повечер: Пhсн 9. стих. 2]. Апостол же и Пророк соборы, и Мученики, и Праведныя, и Священномученики, и молитву сотвори, Чистая, за нас к Богу. Въ ветсhм завhтh, на бранех ношашеся пред Полком Ковчег Завhта Господня, и падаху супостати побhжденны, сице пишется в Числах: ковчег завhта Божія пред идяше пред ними, и бысть егда въздвизаху Ковчег, рече Моисей: востани // Господи, да разсыплются врази твои, и вси ненавидящїи тебе да побhгнут от Лица твоего [Числ. глав. 10]. Мы имамы новаго завhта Ковчег, Пресвятую Дhву, ей же чтем: Радуйся Ковчеже, позлащенный Духом. Сію предпускающе побhжденных узрим наших супостатов, тою бо воздвижутся побhды. Та и Бога нам милостива сотворит, и сопротив гонящих нас станет, точїю теплh воззовhм к ней: О Пресвhтлый облаче Мати Божія, нас побhждающих побhди [Параклис]. НРАВОУЧЕНЇЕ Горе нерадhнїю нашему: мы лhнивы, враг же наш бодр есть, промышляя о поглощенїи нашем. Мы ямы и пием, а враг зубы своими на ны скрежещет. Мы празнословим, а враг на ны плетет своя сhти. Вопїет Апостол: трезвhтеся, бодрствуйте, зане супостат ваш дїявол яко лев рыкая ходит, искїй кого поглотити [1 Петр, 5]. И трезвитися, и бодрствовати требh, да не дїяволом поглощенни будем. Аще лhнивы есмы, то уже поглотит есть нас враг. Аще же трезвимся бодрствующе, // то воюет на ны, поглотити хотя, но не может, Богу нам помагающу. нhкто от отец пустынных бодр, воста на молитву в полунощи, и се слышит глас трубы, аки къ брани, рече в себh: откуду в пустинh воя и брань? Яви же ся ему бhс, и рече: ей брань, яко на молитвh стоиши, ляжи и спи, хощеши ли да не боремся с тобою, мы бо с тhми боремся, юже вооружаются на ны бодрою молитвою, со лhнивыми же не боремся. Слыши, что глаголем злакозненная сила, с лhнивымы, рече, не боремся, почто? Уже бо лhнивый побhжден падеся, и лежит врагом попираемый, трезвhмся убо и бодрствуим. ПРИЛОГ Дерзай, храбрый воине, не падеш язвенный, Аще токмо будеши бодрїй и трезвенный. Авва Моисей, иногда приять брань от духа нечистого, и немогїй терпhти навhта вражїя, иде к Аввh Исидору и повhда ему вещ. Блаженный же Исидор утhшаше его, совhтуя храбрски терпhти, утверждая его от Божественнаго писанїя и от житїй отец Богоносных, // веля возвратитися в келїю свою, и подвизатися на страсти, он же нехотяше, умножившу брань в нем бhсу. Тогда святый Исидор поять его на верхнее келїи, и рече ему: зри на запад и вижд. Възрев же Моисей, и видh множество неизчетное бhсов, аки уготовляющихся на рать. И рече ему вторицею Исидор: зри на восток и виждь. Егда же возрh , видh много болшїй Полк свhтоносных Ангел, готовых такожде на брань. И рече ему Авва Исидор: се их же видhл еси на западh, сіи суть иже на святых Божеих воюют. Сіи же их же на востоцh видh, суть посилаемїи от Господа на помощ добрим подвижником. Виждь убо яко болhе есть с нами. Сія видhв и слышав Авва Моисей, укрhпися, и возвратися в келїю свою, славя силу Господа нашего Іисуса Христа. РОСА СЛhhhhhПЫМ ПРОЗРhhhhhНЇЯ Око бhх слhпым. Іов глава 29. Чудо 13. Отроковица Марія, дщи Леонтія Полуботка о, боляше болhзнїю, ре//комою оспа. От коея болhзни и струпов многих очное погуби зрhнїе. Сїю, скорбнїи Сіверянський літопис 221 родители, от града Батурина, привезоша в Монастир Илинскїй къ чудотворной Пресвятои Богородици Иконh. Иде же егда по обычаю в суботу Акафист чтяшеся, во время молитвы Нескверная неблазная, та Марїя благодатїю Богородичною прозрh, на кое чудо вси людїе смотряше, радовахуся о всhх славных бываемих от Преблагословенной Дhвы Марїи. БЕСhhhhhДА Не тако Іов, яко же Марія есть слhпы око [Іов. 24]. Не точїю бо тhлесными ослhпленных очыма, но и душевнh слhпоствующих руководствует, внимай истиннh: Дух святый в пhснех утренею звhздою нарицает ю, // глаголя: кто сїя восходящая, яко утро?[Пhсни пhсней, глав. 6]. И почто Пречистую Дhву утром именова? Того ради, да покажет, яко она есть слhпым прозрhнїе, тмы отгнанїе, нощи просвhщенїе. Нощ бо темную, яже всhх аки ослhпляет, заключая очи сном глубоким, человеком и скотом, звhрем же птицам, кто отгонит и просвhщает? Звhзда утреняя. Сія восїявши день приводит, от сна будит, всякому очи отверзает, да изыйдет на дhло свое и на дhланїе свое до вечера. Нощ мысленную глаголю незнанїе Бога, еже ослhпило бяше едва не всего мїра, кто отгна и день познанїя восїя?[Псалом 103] Пречистая Дhва, ей же чтет Церков: Радуйся, заре таинаго дне [Ікос 5]. И паки: Тобою Сына Божія познахом. Вhсть та невhжи к познанїю истинны наставляти, та святого Григорїя Неокесарїйскаго п научи православїя: еда бо начатся ересь самосатенова, бывшу святому Григорїю в недоумhнїи, и молящуся Пречистhй Богородици. Та явися ему, научи и утверди его во истиннhй православнhй Кафоличестhй вhрh. Вождаше иногда звhзда восточная волхвов // къ Христу рождшуся в Вифлеемh. Видhхом, рече, звhзду его на Востоцh, и прїйдохом поклонитися ему [Марко 2]. По что не Ангел, ни ина кая твар их вождаше, но звhзда? Еще же восточная, не западная? Мню, яко се бяше Госпожи моея прописанїе, яже воистину есть звhздою лучезарною. Восточною же, яко невhсть запада, всегда живет в свhтh неприступнhм: Утро свhтлhйшее радуйся едина [Акафїст, пhснь 3]. Сія звhзда ведет ны къ Христу, егда от скверных изимает дhл, егда пламене страстей измhняет, егда цhломудрїя учит и на спасенную наставляет стезю. Сею звhздою учимся кланятися солнцу Праведному, еже исповhдует Церков, глаголя: Радуйся, ею же покланяемся Творцу. Тако ны просвhщает, тако очи душевныя к познанїю Бога отверзает, тако тму мрачную отгонит. Радуйся, тму разрушившая и мрачныя бhсы отнюд отгнавшая. О ней то, чаю, глаголет слово Божіе у Ісаїи Пророка: дах тя в свhт странам, отверстии очи слhпым, и извести из дому темници сидящыя в тмh [Ісаїа 3, 42]. // О Пречистая Дhво, свhта твоего зарями просвhти мя, мрак неведhнїя отгоняющи. НРАВОУЧЕНЇЕ Рhша иногда фарисее: егда и мы слhпы есмы? Рече им Іисус: аще бысте слhпы были, грhха не бысте имhли, нынh же глаголете, яко видим, и грhх ваш пребывает [Іоан. Глав. 4]. Нhст окаянhйшея слhпоты сея, очи имhти и невидhти. Вhдати, что есть воля Божія благая и угодная, и совершенная, и не творити ю [К рим. 12]. Аще бо и всякому грhшнику раны многи, обаче болшїя вhдущему и не творящему: раб вhдый волю Господина своего и не уготовавый ниже сотворивый поволh его, бїен будет много [Лука 12]. Видим и слhпы есмы, в разумh бо волею согрhшает, а грhх слhпота есть дущh, глаголет Софонїя Пророк: пойду, якоже слhпый зане Господови согрhшиша [Софон. 1]. Обять древле тма велика Египет днїй три, яко никто же воста от одра своего, и никто же брата своего видhти можаше [Исход. 10]. Непокаяннаго грhшника аки в три дни, в три времена слhпота и потемненїе души обемлет: // въ время временнаго житїя его егда немощи ему зрhти свhта заповhдїй Господних от умножившихся беззаконїй, постигоша мя, рече, беззаконїя и невозмогох зрhти [Псал. 39]. Въ время смерти, еда темнїи дуси его обыйдут, и необрhсти ему помощи, яко собыватися глаголу псаломничу: Смерть грhшником люта [Псал. 33]. И въ время вhчности безконечныя, идеже даже до 222 Сіверянський літопис вhка неузрит свhта Христова: нечистивїи не узрят славы твоея Христе Боже [Ірмос, глас 4, пhс. 5]. Отверзи убо нынh очи своя, о грhшниче, да познаеши окаянное устроенїе твое, и не претикайся от единаго грhха в другїй, яко же слhпец [Дїоптра, част 2, глав. 17]. Заповhдь Господня свhтла просвhщающая очи [Псал. 51], сію соблюди и прозриши Богу помогающу, его же моли, глаголя: посли свhт твой и истину твою: тама наставит, и воведет в гору святую твою, и в жилища твоя [Псал. 46]. ПРИЛОГ Хощеш ли душевными очима зрhть ясно; Помраченя грhховна блюдися опасно. Святый Павел препростый р, в Монастирh нhкоем стоя при Церкви, смотряше, кто каковою // мыслїю в Церков входит, имhяше бо прозорливаго Духа, и видяше помышленїя человhческая; бhже вечерня, и всhм входящим лицем свhтлым и душею просвhшенною с нимы же ко егождо Ангел хранитель радуяся совхождаше. Видит единаго брата в Церков градуща, лицем черна, душею помрачена, окружаема от бhсов, кождо к себh влекущих его, ему же святый Ангел хранитель издалече послhдствоваше, уныл и плачуш. Сія видhв святый, оскорбися и рыдаше зhло о погибшем братh. Не внїйде и в Церков от горкїя печали, но внh плачевен сидяше, скончившу же ся церковному пhнїю, исхождаху братїя таковыжде яцїи и вхождаху свhту Божественному их осїявающу. Зрит же и онаго, иже первhе темен бяше, се лице его, аки Ангелово, и благодать Духа Святаго окрест его осhняше руку его, бhсы же издалеча рыдающа и ниже мало приближитися могуща. Сицевое скорое онаго преложенїе видhв блаженный, обрадовася, и поем удержа его, и пред всhми // видhнная о нем изрек, внезапнаго преложенїя его вины вопрошаше. Сей же видя себе обличена Божіим откровенїем, исповhда яже о себh пред всhми глаголя: Аз рече зhло есм грhшен, в нечистотh многїя иждив лhта даже до днесь. Вшед же нынh в Святую Церков, слышах Святаго Пророка Ісаю чтома, паче же Бога им глаголюща: Измыйтеся, и чисти будите, отимhте лукавствїя от сердец ваших пред очима моима, и научитеся добро творити, и аще будут грhхи ваши яко багр, яко волну убhлю я [Ісаїа, глав. 1]. Сія аз слышав умилихся душею, отверзостh бо ся ми умныи очи, познах окаянство мое и пабубу, и воздахнув, рhх в помыслh моем къ Богу: ты еси Бог, пришедый в мїр грhшники спасти, яко же нынh Пророком своим провhща, сія въ мнh грhшном соверши дhлом. Себо обhщеваю отселh к тому не сотворити никоего зла, но отвергуся всякаго беззаконїя, и от нынh работаю тебh чистою совhстїю, Владыко, точїю ты прїйми мя кающася, и не отрини припадающа. С сими же, рече, обhщаими изыйдох из Церкве, // положив в сердци моем не грhшити пред Богом. Сія вси слышавше, гласом велїим прославиша Бога, прїемлюща всякага прибhгающаго к нему покаянїем. Тако сей добрh избыст душевныя слhпоти, полож твердое покаянїю основанїе. РОСА СКОРБЯЩЫМ РАДОСТИ Тобою дастся радост Богородице, вопїющим ти: Благословенна ты в женах, пренепорочная Владычице (в Часhх на Воскресенїе). Чудо 14. Павла Клевца, бурмистра Чернhговского, дщи, именем Татїяна, шести лhт сущи, от нhкоего случая десным оком ослhпе. От сего кая бяше скорб родителем, не требh повhдати, кто бо не вhсть, яко егда болят чада тhлом, равнh с ними родители болят сердцем. Совhтоваху же сосhды матерh , да ведет ю къ Богородичной Иконh чудотворной, // идеже вся болhзни скорое врачеванїе прїемлют. Мати совhт благ приемши, въ двh субботh на Акафист къ Пресвятhй Богородици, дщер свою с вhрою привождаше. Во первую убо субботу начать око цhлитися, во вторую же всячески белмо от ока погибе. И благодариша Дhву Богородицу, радующеся родители съ дщерїею, получившею ясное и здравое зрhнїе. БЕСhhhhhДА. В мїрh сем отвержеся утhшитися душа моя, понеже всяка радость мїра сего Сіверянський літопис 223 печаль есть: нhсть зде радости, яже нерастворяется печалїю. Несть утhхи, яже несопрагается съ скорбїю. Нhсть веселїя, ему же не въслhдствует сhтованїе. Нhсть смhха, понем же не градет плач съ воздыханїем. Гдh убо истинныя не премhнныя и не отемлемыя // взыщу радости? Глаголют, яко в Раи нhсть болhзни, ни печали, ни въздыханїя, всегда глас радости и спасенїя в селhх праведных. Но аз нечист и сквернен, како тамо вселюся, идеже не имать внїйти всяко скверно? Идеже подобнїй мнh грhшницы изгонятся състудом внh пси, и чародhе, и любодhе, и убїйци, и идолослужителїе, и всяк творяй и любяй лжу [Апок, 25]. То камо пойду грhшный, да утhшенїе скорбной душh моей обращу? Пойду къ Пресвятой Богородици, та есть Раем словесным, всякою утhхою и радостїю изобилующым, к нему же не точїю святым, но и грhшным свободный приход и не възбранный. В сем Раи, глаголю в Марїи, обрящу утhху, егда точїю вhрою возопїю к ней съ поющими: подажд утhшенїе своим рабом, всенепорочная, утоляющи лютая на ны въстанїя, от всякоя скорби нас измhняющи [Богород, глав, 4]. Рай утhшает тhх точїю, иже от удола плачевнаго на радостную жизнь прейдоша [Псал. 93]. Марїя же и въ удолh плачевном сущих, и плачучих бhды своя, утhшает. О, Раю краснhйший, утhшенїа твоя да возвеселят душу мою. // НРАВОУЧЕНЇЕ Вси в Рай внїйти хощем, но грhси нам възбраняют. и что сотворим? Мой совhт, прибhгнути къ Пресвятой Дhвh Богородицh. Та есть Двер Райская, всhм вход отверзающая, тако ей чтет Церков: Радуйся, Райским дверем отверзенїе [Ікос 4]. Нибо мощно инако внїйти кому в Рай, аще не Богородицею. Слышите, что о ней глаголет Блаженный Герман, Патрїарх Цариградскїй с: никто же позна Бог, точїю Тобою, о Пресвятая, никто же приемлет спасенїе, токмо Тобою о Богородице, никто же взывает коея бhды, токмо Тобою, о Богомати. И Григорїй Никомидийскїй подобнh глаголет: Тобою рай воистину прияхом, Тобою рода людскаго изгнанїе къ своему возвратися отчеству, Тобою отятся пламенное оружїе, стрегущое врат едемских, Тобою врата веселїя и радости затворенныя отверзошася, Тобою надhемся внїйти в небесное Царство, Тя спасенїя нашего имами Помощницу. Убо держhмся неотступнh сих врат Райских, Пречистой Дhвы, и внїйдем ею в самый Рай, избывше всякое печали и болhзни. // ПРИЛОГ Иже тя любит, о Мати благая, Сему готово мhсто средh Рая. При Церкви святого Маврикїя в Колїофїи, нhкая инокиня свято поживши, яже и великое усердїе имh къ Владичици нашей в молитвах, на конец житїя приближися, и боляше къ смерти. Егда же прїйде время преставленїя ея, обстоящим сестрам одр, бысть лице ея свhтло, и отверзши уста, тихим гласом и осклабленным лицем рече: Добрh прїйде сладчайшая Госпоже моя Маріе. И сія рекши, предаде Дух в руцh пришедшой Госпожh, юже въ все житїе любяше. И кто не извhстен, яко сей рабh своей Дhва Марія, Райскую отверзе двер, и введе ю во радость вhчную. РОСА БОЛНЫМ ПОСhhhhhЩЕНЇЯ. Едина болящим посhщенїе, едина падшим исправленїе Владычице, едина к Богу руководница и вход (в Октоиху глас 1, в понеделок на Повечерници, Пhснь 4). // Чудо 15. Нhкая жена, именем Анна, от града Брагиня, мучашеся зhло болhзнїю, гостец названною, два года. Та прїять исцhленїе благодатїю Богородичиною от чудотворноя ея Иконы, еже сама исповhда в суплhцh в чолобитной до Преосвященного Пастира тыми словесы: Я, убогая Анна Розсудовска, будучи от найвышшаго Владыки хоробою навhжена, юж от двох лhт, офhроваламся тут до чудотворного образа Пренаисвятhйшой Дhвы, который есть у Илїи святаго, и за ласкою Бога Всемогущаго, почалам приходити до першого здоровя. 224 Сіверянський літопис БЕСhhhhhДА Болhзни наша тhлесная и душевныя, кто изочтет? Уврачевати же их, кто мо //жет? Одержаша нас болhзни смертныя, и потоци беззаконїя смятоша нас [Псал. 17]. Кіих болезней ни оны премудрїи врачеве: Асклипїй, Иппократ и Гален уврачевати можаху. И от кого цhлбы поищем? Всяко речете: от Бога, но не имами дерзновенїя к нему за премногїя грhхи наша. То от Матере его Преблагословенныя, много бо может молитва Матерняя, и добрh, ибо та дадеся целебница всему мїру. Природный есть в людех обычай, егда приемлет кто язву на тhлh, такожде егда възболит глава или стомах, тамо скороприлагает руку, аки нhкую болhзни прїемля отраду, откуду и приповhдуется: где болит, там рука. Не невhмы, яко ручкою Врачебница наша пройменовася: Радуйся, ручко златая, к ней же и вопїет Дамаскин: лютыми напастми томим, от враг стужаем оклянный, плачем приглашаю, свыше мнh простри пребогатая руку твою [Глас 1, в субботу на Павечер, Пhснь 1]. Убо егда нас обемлют лютыя недуги и болhзненыя страсти, сію Руку, глаголю Пресвятую Дhву, прилагаим, паче же самы к ней прилагаимся, врачующе ей въ Всесилнїи // руцh душу и тhло наше. Рhша древле египтяне къ Іосифу (по Іеронимову преводу) т: здравїе наше в руку твою, точїю да призрит на ны Господин наш [Быт. 47]. О цhлебнице благосердая, въистину в твоею руку наше здравїе, ты тhла нашего врачеванїе, ты душа нашея спасенїе, ты немощїю низлежащих исцhляеши, къ твоему врачевству притhкаем, точїю призри на ны милостивым еи оком. От горняго возшествїя нашу назирай худость [Акафїст Успенїю, Пhснь 50]. НРАВОУЧЕНЇЕ Всяк врач хотяй тhлесную болhзнь уврачевати, вины ея взыскует, от брашна ли, или питїя, или от инага коего случая прїйдено Учители Церковнїи глаголют, яко всякоя болhзны виновен есть грhх. Тако святый Макарїй египетскїй у глаголет: Разслаблен ли кто или на коей частh тhла калhка, или феброю и коею либо немощїю страждет, вся сія от грhха походят, он бо всего зла есть коренем [Макарїй бесhда 16]. Святый же Калист: от начала мїра, грhха ради, немощ внїйде в Каиново тhло // по братоубїйствh разслаблен бысть, и хождаше воздыхая, и трасыйся на Землh [В Нед. 6, по Свят. Дусh]. И Іероним Святый: елико грhхов, толико болhзнїй имамы [Іерон. на псал. 162(?)]. Хощем ли убо тhлесных болhзней избыти; первhе вину их, си есть грhх, уврачуймо покаянїем. Ибо и Христос Господь, добрый Врач, хотя уврачевати разслабленаго тhлом, первhе разслабу душh его, си есть грhхи, цhлит глаголя: Чадо, отпущаютися грhси твои. И потом: востани, возми одр твой, и иди в дом твой [Матф. гл. 9]. ПРИЛОГ Боляй кается грhхов своих, убо подаетмуся здравїе сугубо. Муж нhкїй, от славных в Царградh, имh вhру велику к святому Іерарху Христову Іоанну Златоустому. Сей в болhзнь тяжку и неудоб цhлиму впаде. Изнемогшим же врачем, и уже всhми отчаян, повелh себе нести в Церков, идеже честная рака Златоустаго бяше. Принесен же быв и положен, моляшеся съ слезами, прїем в ум содhянная грhхи. И рыдая о них, увы мнh, рече, // грhшному и непокаянну, како пойду в путь, от него же невозвращуся? Како же претерпаю трепет страшнаго суда и судїи? И како вhчныя и нестерпимыя понесу муки? Изшедшим же всhм из Церкве, повелh рабом своим отити, себе же единаго оставити заключена, и сам един быв, возрh к верху храма святого, и видhв образ Господа нашего Ісуса Христа, начать глаголати к нему сице: Аще твоего образа Владыко, рукама человhческими сътвореннаго зря боюся; како же тя страшнаго судїю узрю окаянный аз, егда прїйдеши судити всяческим. Съгрhших Господи, прости ми, несохраншу твоя повелhнїя. Начат же исповhдати своя согрhшенїя, от юности съдhянная, къ святому образу, и по исповhданїи всhх елико имh, рече паки: и ино люто сътворих согрhшенїе Владыко, но несмhю изрещи человhколюбче, несмhю, Милостиве. Се же ему глаголющу, прїйде глас от святаго Сіверянський літопис 225 онаго образа глаголяй ему: Рци и нестыдися убо, и сего исповhдати человhче. Изрекшу же ему, прїйде паки глас от святого образа, глаголяй: Оставляюттися грhхи твои. Сему // страшному гласу пришедшу, воста здрав весь, и пад на лицh своем, великим гласом благодарныя пhсни възсылаше Человhколюбцу Богу, нехотящому смерти грhшнаго, но обратитися и живу бытии ему. Покланив же ся гробу святого Златоустаго, отиде в дом свой радуяся. Пожив же в цhломудрїи прочая живота своего лhта, къ Господу отиде. Се видите, како прият здравїе тhлесное, уврачеванным сущим грhхом. РОСА НЕМОЩНЫМ ПОКРОВА И ЗАСТУПЛЕНЇЯ. На мя упова и избавлю и, покрыю его, яко позна имя мое (Псалом 90). Чудо 16. Есть весь близ Чернhгова, рекомая Смолин ф. От тоя веси человhк бhсен именем Стефан, крhпцh связан дужости ради в нем бывшаго бhса, привезен бысть в Монастир Ілинскїй къ Пресвятой Богородици, яже его сице покры и заступи, яко в то же вре//мя свободися от мучащаго и демона. И здрав возвратися в дом свой, прославляя Покровителницу и заступницу свою. БЕСhhhhhДА Кромh Богородична Покрова и заступленїя, кто доволен цhл сохранен быти, от врага купно же и человhкоубїйци?[Антифон, глас 6] Гоняше древле фараон Ізраиля, и аще не бы Господь простерл облако в покров Ізраилеви, убо жива пожерл бы его: столп облачный ста созади посредh полка египетска, и посредh полка сынов Ізраилевых [Ісход, 14]. Гонят и нас врази наши видимыи и невидимыи, аще не бы нам Вышнїй подал в защищенїе Матер свою Дhву Богородицу; то уже бы давно погибли быхом за беззаконїя наша, но та крыет ны, яко же кокош птенца своя, есть бо Покровом мїру ширшим облака. Бhжашу Ілїи от гнhва Езавелина, быст глагол Господен къ Ілїи: иди отсюду на восток, и скрыйся в потоцh Хорафа прямо лицу Іорданову [3 Царст. 17]. Почто не иное мhсто ему показуется // къ сокровенїю от Езавелh, но лице Іорданово? Іордан, по свhдителству Іеронимову, прознаменоваше Дhву Марїю, яко же бо сквозh Іордана Киот Божїй прейде по суху, тако утробу Дhвическу пройде Слово Отчее единородное без истлhнїя. И се тайна, почто Пророк прямо лицу Іорданову крыется, отгонящея его враждебници; яко сhновное прописанїе Маріино въ Іордани бяше. И нынh егда кто гонимий врагом сокриется прямо лицу Мысленнаго сего Іордана, глаголю Пречистыя Дhвы, не можно будет коему злу постигнути его, сматряющу нань лицу Маріину. О коль блажен крияйся всегда под покровом твоим заступнице, не прїйдет бо к нему зло, и рана не приближится тhлеси его [Псал. 90]. НРАВОУЧЕНЇЕ Слава Богу, и по Бозh Богородици, избавляющой человhка от мучительства бhсовскаго. Но блюдися человhче, да не будет послhдняя горша первых, возвращает бо ся дїавол, поемля с собою седм инhх духов лютhйших себе [Матф. 12], си есть седм грhхов смертелных: духа гор//дости, духа сребролюбїя, духа нечистоты, духа зависти, духа чревобhсія, духа гнhва, духа лhности, яже человhка не покаянна лютhе бhса умучатh, не временнh, но вhчнh, ввергут бо его сіи дуси в огнь негасимый и черв неусыпающий. Убо да не внїйдут в тя сіи: буди мhсто безводно, идеже бых не обрел вмhстилища себh лютый дух, проходит бо он сквозh безводная мhста, ища покоя, и необрhтает. И что есть мhсто безводно? Святый Григорїй разумhет сердца Праведных, иже умерщвленїем плоти, страсти плотскїя изсушают [Григор. 11, морал, гл. 3]. Не обрhтает же в них дїавол покоя, празны бо сут злых дhл, яже блатом именовашася от святого Афанасїя и Феодорита х, пишуших на сїя псалмисты слова: углебох втимhнїя глубины, си есть, в дhлех злых [Псал. 68]. Яко же бо свинїя в калh тинном валятися хощет, тако дїавол блата грhхов наших желает. Но да необрящет проклятый в нас мhста, иссушити требh грhховное блато умерщвленїем, паче же страхом и любовїю Божіею, 226 Сіверянський літопис противи//ти же ся ему имамы, да бhжит от нас. Како же противитися, послушаим Златоустаго: како поратуемя съ тмою? Свhт бывше: како же с духи злобы? Близи бывше, благому бо противится злоба, и свhт отгоняет тму. ПРИЛОГ Аще помыслу скверному кто внемлет Во сердци своем, сей бhса приемлет. Отец Макарїй живяше в глубоцей пустинh един, близ же его в долней части пустинh, много братїи пребываху. И въ един день, зрит дїавола в образh человhчи минующа келїю его, одhянна косматою одеждою, на коемждо же космh, висяше тиквица, и глаголя ему старец: камо идеши? Отвhща дїавол: иду посhтити братїю. Старец же рече: что суть тиквица, их же носиши? Отвhща: вкушенїе несу братїям. Рече же старец: и во всhх ли сих вкушенїе? Отвhща: ей, аще бо не будет прїятно единому едино, подаю ему другое и трете, и вся поряду, да поне от всhх сих единим усладится, и сїя рек // дїавол, отиде. Старец же пребысть стрегїй путь, дондеже возвратится. И узрhв его възвращающася, глаголя ему: добрh ходил еси? Он же отвhща: злh, и гдh мнh добрh. Рече старец: почто? Он же рече: вся братїя, яко дивїи звhрїе быша мнh, и ни един послуша мене. Глаголя старец: то ни единаго имаши тамо послушающаго тя? Он же отвhща: ей, единаго точїю имам, иже егда мя видит, вертится, як порплица. Въпроси же его старец: и како имя ему? Отвеща: Феопент имя ему есть, сія рек, отиде. Востав же старец, иде къ братїи, и сіи слышавше приход его, изыйдоша вострhтенїе ему съ Ваиами, и кождо их готовяше келїю свою, мнящи, яко к нему хощет отец внїйти. Он же вопрошаше: кто есть наряцаяйся Феопент? И обрhт его, внїйде к нему в келїю. Феопент же прїят его с радостїю, и начать старец глаголати к нему: како живеши брате? Он же: молитвами твоими, отче добрh. Рече старец: нестужают ли тебh кія помыслы злыя? Он же: обаче добрh есм, стремляше бо ся изрещи // страсти своя. И рече старец: се аз колицими лhты есм постяся, и почитаем от всhх, и се мнh стару сущу, стужает дух нечистый. Умилив же ся Феопент рече: вhруй ми отце, яко и мнh стужает и исповhдася ему. Впроси же его старец: како постишися? Он же рече: до часа девятаго. Глаголя ему старец: постися до вечера. Научи из уст от Евангелїя и от инhх писанїй, и когда прїйдет ти помысл нечистый, никако же внемли ему, и николи сведен буди умом долу, но всегда горh внимай, и Господь поможет ти, и утвердив брата старец, отиде во свою пустыню. И еда стрежаше пути, зрит бhса онаго грядуща, и рече к нему: камо идеши? Отвеща он: посhтити братїю иду. И абїе воскорh возвратися. И вопроси его святый: како братїя? Он же рече: злы. Рече святый: почто? Отвеща: понеже вси свирhпhйши быша, и множае вооружишася на мя, но и его же имhях любима, и той непослушает мене, развратил бо ся не вhм от куду, и никако же внемлет мнh. Но и от всhх всерhпhйшїй бысть на мя, // и кляхся не быти тамо до другаго лhта. И сія рек, отиде от святаго. Старец же внїйде в келїю свою, благодаря Бога. Примітки: а Дамаскин Іоанн (бл. 675 – бл. 749) – знаменитий візантійський богослов, поет і філософ. б Андрій Критський (бл. 660 – 740) – учасник VI Вселенського церковного Собору, противник єресі монофілітства. Автор багатьох богослужбових текстів і співів, у тому числі знаменитого «Великого покаянного канону». в Роман Солодкоспівець (др. пол. V – поч. VI ст.) – візантійський церковнослужитель, автор багатьох богослужбових текстів і співів. г Мова йде про Іоанна Златоустого (347 – 407), знаменитого отця церкви. д Халявин – нині село Чернігівського району Чернігівської обл. е Антоній (Великий) (бл. 250 – 356) – знаменитий єгипетський подвижник, засновник чернецтва. є Амвросій Медіоланський (бл. 340 – 397) – єпископ Медіолана (Милана), отець церкви. Сіверянський літопис 227 ж Ієронім Блаженний (бл. 347 – 420) – отець церкви, автор перекладу Біблії на латинську мову (Вульгата), а також творів з екзегетики та історії церкви. з Павло Фівейський (др. пол. ІІІ – пер. пол. IV ст.) – один із засновників єгипетського чернецтва. и Мається на увазі: Drexelius Jeremias (1581 – 1638) і його праця «Heliotropium sev conformatio humanea voluntatis cum divina» (Munchen,1627). Перекладена на церковно+слов’янську мову чернігівським архієпископом Іоанном Максимовичем і видана у Чернігові 1714 р. і Августин Блаженний (354 – 430) – єпископ Гиппонський (Африка) – знаменитий богослов. ї Петр Хризолог (? – 458) – єпископ Равеннський, богослов. й Литовською страною, Литвою на Чернігово+Сіверщині у XVII ст. називали білоруські землі, а білорусів – литвинами. к Єлецький монастир був зруйнований і спалений під час захоплення Чернігова польським загоном під командуванням Самуїла Горностая у 1610 р. Відбудова монастиря почалася у 1660+х рр. л Афанасій Александрійський (бл. 295 – 373) – єпископ Александрії, богослов, отець церкви. м Правдоподібно мається на увазі Єфрем Сирін (? – 373) – християнський богослов і поет. н Іоанн Лєствичник (бл. 482 – 563) – християнський подвижник і богослов, автор відомого твору «Лєствиця». о Леонтій Полуботок обіймав старшинські посади у Чернігівському полку, полковник переяславський, потім генеральний осавул, помер бл. 1700 р. і похований біля Успенського собору Чернігівського Єлецького монастиря. Марія Леонтіївна була заміжня за генеральним хорунжим Іваном Сулимою. п Григорій Богослов (Назіанзин) (бл. 330 – 390) – знаменитий богослов, отець церкви. р Павел Препростий (IV ст.) – християнський подвижник, преподобний. с Герман (645 – 740) – Константинопольський патріарх, богослов. т Мається на увазі Біблія на латинській мові «Вульгата». у Макарій Єгипетський (бл. 300 – 390) – великий християнський подвижник, богослов. ф Смолин – нині село Чернігівського району Чернігівської обл. х Феодорит (бл. 387 – 457) – єпископ Кирський, богослов.

«Руно орошенное»

Репозитарії

Схожі ресурси