Къырымтатар эдебиятынынъ ислям медениети черчивесиндеки инкишафы
В статье рассматривается проблема развития крымскотатарской литературы в рамках исламской культуры. Обновление современного гуманитарного образования открывает новые возможности в изучении литературы. Введение в программы вопросов по творчеству писателей, а также новые тенденции в рассмотрении ряда...
Збережено в:
| Дата: | 2011 |
|---|---|
| Автор: | |
| Формат: | Стаття |
| Мова: | other |
| Опубліковано: |
Кримський науковий центр НАН України і МОН України
2011
|
| Назва видання: | Культура народов Причерноморья |
| Теми: | |
| Онлайн доступ: | http://dspace.nbuv.gov.ua/handle/123456789/55528 |
| Теги: |
Додати тег
Немає тегів, Будьте першим, хто поставить тег для цього запису!
|
| Назва журналу: | Digital Library of Periodicals of National Academy of Sciences of Ukraine |
| Цитувати: | Къырымтатар эдебиятынынъ ислям медениети черчивесиндеки инкишафы / Д.Н. Сулейманова // Культура народов Причерноморья. — 2011. — № 199, Т. 2. — С. 78-80. — Бібліогр.: 10 назв. — кр.тат. |
Репозитарії
Digital Library of Periodicals of National Academy of Sciences of Ukraine| id |
irk-123456789-55528 |
|---|---|
| record_format |
dspace |
| spelling |
irk-123456789-555282014-02-11T20:53:23Z Къырымтатар эдебиятынынъ ислям медениети черчивесиндеки инкишафы Сулейманова, Д.Н. Крымскотатарское и общее литературоведение В статье рассматривается проблема развития крымскотатарской литературы в рамках исламской культуры. Обновление современного гуманитарного образования открывает новые возможности в изучении литературы. Введение в программы вопросов по творчеству писателей, а также новые тенденции в рассмотрении ряда традиционных тем выдвинули проблему постижения произведений, в поэтике которых определенную роль играют исламские идеи и образы. 2011 Article Къырымтатар эдебиятынынъ ислям медениети черчивесиндеки инкишафы / Д.Н. Сулейманова // Культура народов Причерноморья. — 2011. — № 199, Т. 2. — С. 78-80. — Бібліогр.: 10 назв. — кр.тат. 1562-0808 http://dspace.nbuv.gov.ua/handle/123456789/55528 82.512.145 other Культура народов Причерноморья Кримський науковий центр НАН України і МОН України |
| institution |
Digital Library of Periodicals of National Academy of Sciences of Ukraine |
| collection |
DSpace DC |
| language |
other |
| topic |
Крымскотатарское и общее литературоведение Крымскотатарское и общее литературоведение |
| spellingShingle |
Крымскотатарское и общее литературоведение Крымскотатарское и общее литературоведение Сулейманова, Д.Н. Къырымтатар эдебиятынынъ ислям медениети черчивесиндеки инкишафы Культура народов Причерноморья |
| description |
В статье рассматривается проблема развития крымскотатарской литературы в рамках исламской культуры. Обновление современного гуманитарного образования открывает новые возможности в изучении литературы. Введение в программы вопросов по творчеству писателей, а также новые тенденции в рассмотрении ряда традиционных тем выдвинули проблему постижения произведений, в поэтике которых определенную роль играют исламские идеи и образы. |
| format |
Article |
| author |
Сулейманова, Д.Н. |
| author_facet |
Сулейманова, Д.Н. |
| author_sort |
Сулейманова, Д.Н. |
| title |
Къырымтатар эдебиятынынъ ислям медениети черчивесиндеки инкишафы |
| title_short |
Къырымтатар эдебиятынынъ ислям медениети черчивесиндеки инкишафы |
| title_full |
Къырымтатар эдебиятынынъ ислям медениети черчивесиндеки инкишафы |
| title_fullStr |
Къырымтатар эдебиятынынъ ислям медениети черчивесиндеки инкишафы |
| title_full_unstemmed |
Къырымтатар эдебиятынынъ ислям медениети черчивесиндеки инкишафы |
| title_sort |
къырымтатар эдебиятынынъ ислям медениети черчивесиндеки инкишафы |
| publisher |
Кримський науковий центр НАН України і МОН України |
| publishDate |
2011 |
| topic_facet |
Крымскотатарское и общее литературоведение |
| url |
http://dspace.nbuv.gov.ua/handle/123456789/55528 |
| citation_txt |
Къырымтатар эдебиятынынъ ислям медениети черчивесиндеки инкишафы / Д.Н. Сулейманова // Культура народов Причерноморья. — 2011. — № 199, Т. 2. — С. 78-80. — Бібліогр.: 10 назв. — кр.тат. |
| series |
Культура народов Причерноморья |
| work_keys_str_mv |
AT sulejmanovadn kʺyrymtatarédebiâtynynʺislâmmedenietičerčivesindekiinkišafy |
| first_indexed |
2025-07-05T06:46:21Z |
| last_indexed |
2025-07-05T06:46:21Z |
| _version_ |
1836788462949236736 |
| fulltext |
Сулейманова Д.Н.
КЪЫРЫМТАТАР ЭДЕБИЯТЫНЫНЪ ИСЛЯМ МЕДЕНИЕТИ ЧЕРЧИВЕСИНДЕКИ ИНКИШАФЫ
78
Сулейманова Д.Н. УДК.82.512.145
КЪЫРЫМТАТАР ЭДЕБИЯТЫНЫНЪ ИСЛЯМ МЕДЕНИЕТИ
ЧЕРЧИВЕСИНДЕКИ ИНКИШАФЫ
ПРОБЛЕМА РАЗВИТИЯ КРЫМСКОТАТАРСКОЙ ЛИТЕРАТУРЫ В РАМКАХ
ИСЛАМСКОЙ КУЛЬТУРЫ
В статье рассматривается проблема развития крымскотатарской литературы в рамках исламской культуры.
Обновление современного гуманитарного образования открывает новые возможности в изучении литературы.
Введение в программы вопросов по творчеству писателей, а также новые тенденции в рассмотрении ряда
традиционных тем выдвинули проблему постижения произведений, в поэтике которых определенную роль играют
исламские идеи и образы.
Меселенинъ котерилюви ве ишимизнинъ макъсады. Къырымтатар эдебиятында ислямиет,
мусульманлыкънен багълы меселелер мевджут олгъаныны косьтермек, бугуньде, актуальдир.
Эдебиятшынасларнынъ сонъ вакъыт теткъикъатларынынъ нетиджелеринден белли олгъаны киби, эдебий
эсерлерни идрак (восприятие) этюв, оларгъа изах(интерпретация) берюв къабилиети, окъуйыджынынъ «
медений фонд»унынъ (Д.С. Лихачев) зенгинлигинден сыкъ багълы. Усталыкънен язылгъан бедиий
эсернинъ метининде гизли ассоциатив бельгилер кодлар шекилинде уйгъунлаштырылгъандыр. Озь
невбетинде, окъуйыджынынъ бу кодларны корьмеси, оларны «окъуя бильмек» къабилиети исе онынъ
тувгъан медений ве тарихий багъларына далабильмесинен багълыдыр. Мисаль, миллий театромызнынъ
Къырымда гъайрыдан тикленмесине энди 20 йылдан зияде, лякин театро санасында аля даа не халкъ агъыз
яратыджылыгъымызнынъ шах эсери «Таир ве Зоре», «Чорабатыр» дестанлары не классик эсерлеримизден
М.Къырымлынынъ «ХХикяет-и Юсуф ве Зулейха», Бора Гъазы Герайнынъ «Долаб» месневиси ве илх.
эсерлер саналаштырылмагъан. Себеби, земаневий окъуйыджы бу эсерни мувафакъиетнен акъли эрмек,
анъламакъ (постигнуть) ичюн эсерлерде растлангъан ислям образ ве гъаелернинъ фаркъына бармакъ
керектир, темсиллер системасыны талиль этебильмек керектир, о исе беджермей. Къырымтатар эдебияты –
ислям медениети ичинде шекилленген, юксек мефкюрели маневияткъа, ахлякъкъа ынтылгъан эдебияттыр.
«…джиан эдебиятынынъ бир къысмы сыфатында, къырымтатар эдебияты, озюнден бурунгъы ве салмакълы
эдебиятларнынъ муваффакъиетлерини озь деасынен озьлештиререк, бир чокъ девир ве этаплардан отти. Эр
бир миллий медениетте олгъаны киби, бизим эдебиятымызнынъ илерилев ёлларыны да, онынъ характер ве
мундериджесини, услюбини де, биринджи невбетте, шубесиз, халкънынъ омюриндеки икътисадий,
ичтимаий ве сиясий шартлар бельгилегендир» - деп язгъан эди Э.Шемьи-заде [1].
Белли олгъаны киби, совет девиринде ресмий эдебиятшынаслыкъ эдебиятнынъ эсас манасыны
инкъилябий курешнинъ иштиракинде коре эди. Айны шу нокътаий назаргъа эсасланып мектеп ве алий
окъув юртларында огрениледжек бедиий эдебият боюнджа программалар тизиле эди. Совет къурумы
дагъылгъанындан сонъра, гуманитар илимлер бир сыра денъишмелер къабул этти, шу джумледен
эдебиятшынаслыкъта, эдебиятны огренювде, янъы ёллар араштырыла башланды.
Муит денъишкен сайын, эдебият саасында чалышкъан мутехассыслар, пейда олгъан имкянларнен
файдалынып, бильгилерини арттырмакъталар ве бунынънен берабер озь дюньябакъышларыны, эдебият
хазинемизге нисбетен мунасебетлерини илерилетмектелер. Тувгъан эдебиятымызнынъ хусусийлигини даа
терен ве кениш къаврап алмагъа тырышмакъталар.
Классик эдебиятымызнынъ озьгюнлюгини корьмеге истесек, онынъ ирмакъларыны медений
аньанелеримизде араштырмакъ керектир, чюнки халкънынъ дюньябакъышы ве бедий тефеккири шу
миллий медениетнинъ черчивесинде шекилленгендир. Бу шекилленювни козьэтмек ичюн исе,
эдебиятшынаслыкъта къулланылып кельген ильмий усулнен файдаланмакъ керектир. Джемиетте чешит
медений типлер ве чешит бедиий анъ типлери мевджут олмасы усулнынъ темелинде тура. Мисаль, бу
усулны М.М.Бахтин озюнинъ «Творчество Франсуа Рабле и народная культура Средневековья и Ренесанса»
китабында къулланып, Рабле уйдургъан образларны теткъикъ эткен эди. М.М Бахтин Рабленинъ бедиий
мирасыны огренир экен, теткъикъ эсасында «эдебиятнынъ кенди эвинде шекилленмеси» киби анъламны
кирсетти ве Рабленинъ яраткъан образлары «кенди эвлерине» ерлештирип олар теткик этильди.
И.А.Есаулов, В.И. Мельник исе рус эдебиятынынъ миллий-маневий хусусийлигини талиль ве таин этмек
ичюн рус классик эсерлерни олар пейда олгъан муитте огренмек кереклигини исбатлап, рус эдебияты
христиан медениет типинде шекилленгенини козь огюне алмакъ кереклигини косьтердилер.
Къырымтатар эдебиятыны догъру анъламакъ, онынъ хусусийлигини корьмек ичюн ислям медениет
типини эксплицир этмелидир. Эльбетте, къырымтатар эдебиятынынъ шекилленмесинде ялынъыз ислям
медениетининъ тесиринен сынъырланмакъ догъру дегильдир. Фольклорнынъ шу джумледен, ислямдан
эвельки заманда кутюльген Танъры диннинъ, Шаманизм, Буддизм, Манеизм киби инанчларнынъ излери
козьэтиле билир(2). «Ислямдан эвель умумтюрк эдебиятынынъ башлангъычы кестирильмеген, чокъ эски
тарихлерден башлаяракъ ашагъы-юкъары ХI-нджи асыргъа къадар сюрер»(3). Къадимий дестанларда раст
кельген, кочебе халкъларгъа аит олгъан хусусийликлер, девлет ве тешкилят дереджесинде фикир этюв
къабилиети, табиаткъа севги, ат айванына айыры мунасебет, къараманлыкъ киби характер чизгилери
миллетимизнинъ аньанелеринде девам этти, мисаль, Б.Чобан-заденинъ «Огъурлы джоллар» икяесинде. Ат
ве авгъа меракъ, буюклерге урьмет аньанеси, ырз, намус ве къоранта сагъламлыгъы мисаль,
КРЫМСКОТАТАРСКОЕ И ОБЩЕЕ ЛИТЕРАТУРОВЕДЕНИЕ
79
А.Озенбашлынынъ «Дюнюмизнинъ джанлы левхалары» эсеринде, эр заманда дегери буюк олгъан
анъламлар олып, эдебиятымызда да яшап кельмектедир. Анълашылгъанына коре, умумтюрк
медениетининъ татар далы къырымтатар эдебиятынынъ темель ташларындандыр. Къадимий заманлардан
башлап эдебиятымыз ислям динине зыт кельген нокъталарны ёкъ этип, ислям динини макътайджакъ
шекилине кетирилип яшатылды мисаль «Эдиге» дестаны.
ХI асырдан ХIХ асыргъа къадар девам экен девир, инкишаф эткен эдебиятымыз ичюн зенгин, озь
хусусийлигини къазана бильген, эдебият тарихында чокъ дегерли ер алгъан девирдир.
Юкъарыда анъылгъан девирде инкишаф эткен «эдебиятнынъ асыл ренки Ислям динининъ кетирдиги
медениет ве культурдыр» (4). Ислям медениети къырымтатар классик эдебиятына янъы хусусиетлер
ашлагъандыр.
Ислям медениети ве ислям девиринде шекилленген эдебият миллетни тамам бу вазиетке ляйыкъ олгъан
бир миллий характернинъ саиби дереджесине котергендир. «Тюрклер, кочебеликтен кельген бутюн
тешкилятчы ве дисциплинли кетишлерини яхшы къорчаладылар. Миллий адетлерини ве тиллерини
унутмайып, гъайып этмейип, мусульман олдулар. Бу ал эм тюркий миллетлер ичюн, эм ислям ичюн
файдалы нетиджелерге кетирди» - дей Ахмет Кабаклы.
ХIХ асырнынъ экинджи ярысында исе медениетимиз ве шу джумледен эдебиятымызгъа Авропа ве рус
эдебияты, чешит сиясий ёнелишлер тесир эткендир. Ве ниает, совет мефкюреси алтында къалып, буюк
гъайыпларгъаогърагъан исе де, къазанчларны эльде эткендир. Амма лякин, эдебиятта ислямдан эвельки
тюркий медениетининъ ери эдебиятшынаслар тарафындан, етерли дереджеде олмаса да, огрениле эди.
Эдебиятшынаслар ичюн, советлер заманындаки эдебиятымызда, коммунизм мефкюресининъ тесири
дикъкъатсыз къалмады. Шунынънен берабер, эдебиятымызны ислям медениет типи черчивесинде нокътаий
назарындан теткъикъатлар япылмады. Биринджиден, бойле шекильде янашувны совет девиринде япмакъ
ясакъ эди, экинджиден исе, бельки де, ислямдан эп узакълашкъанымыз себебинден бильгимиз пек зайыф
олгъанындан меселени мейдангъа чыкъармадыкъ.
Юкъарыда къайд эткенимиз киби, къырымтатар эдебиятыны догъру окъумакъ, анъламакъ ичюн, онынъ
хусусийлигини корьмек ичюн ислям медениетининъ темеллерини бильмек, козьде тутмакъ керектир.Ильк
бедиий классик эсерлеримизден М. Къырымлынынъ «Хикяет-и Юсуф ве Зулейха» дестанына дикъкъат
этейик. Дестаннынъ сюжети Къурани-Керимде «Юсуф» суресинде кечкен вакъиа эсас этилип алынгъандыр.
Дестанда «къараманларнынъ арекетлери, ынтылышлары, Аллах, фани дюнья, бакъи дюнья, джезаланув
киби анълайышларны изалай. М.Къырымлы гъурбетлик, асретлик, дин ве иман киби меселелернинъ
муимлигини ифаделей, аятий варлыкъкъа керекли дереджеде къыймет кесип, дюньянынъ леззетине
алданмайып, Аллахкъа итаат этмеге давет эте. Олып кечкен адисе-вакъиалар Аллахнынъ къудрети иле
арекетке кетирильгени беян этиле.», деп яза мектеп дерслигинде А.Кокиева (5)
Къырымда ислям дини фетх олгъан заманлардан башлап дестан ве эфсанелернинъ сюжетлерине мевзу
оларакъ пейгъамберлернинъ, сахабийлернинъ аятлары алынгъан. Мисаль оларакъ Гъазы Мансурнынъ
образында халкъымыз Пейгъамберимизге ве онынъ замандашларына нисбетен дуйгъан сынъырсыз севги ве
урьметлерини косьтергенлер. Гъазы Мансур акъкъында риваетлер, атта совет заманларына къадар яшап
кельгенлер ве классик языджымыз У.Ипчи «Гъазы Мансур» эсерининъ сюжетине эсас оларакъ бу образны
алгъандыр. Орта асыр классик эдебиятына келиндже, бу девирде эдебиятымызгъа ислям идеалы, ислям
тефеккири ве ислям ахлякъы аким олгъандыр. Эсерлерде Аллахкъа севги, ислям тюшюнюши, халкънынъ
фикир икметлери акс этильгендир. Мисаль,Бора Гъазы Герайнынъ «Долаб» месневисинде къадер ве къаза,
Аллахкъа тевеккюль киби мевзулар акс этильгендир. Мустафа Мюдамининъ эсерлери, Софу Мехмед Герай
ханнынъ "иляхи"лериндеки гонъюль ыстырабы, асрет, янъгъызлыкъ ве Хакъкъа къавушма арзусы
мотивлери ве иляхри, ве иляхри. Орта асыр эдебиятыны анъламакъ ве анълатмакъ ичюн, эльбетте, Ислям
динининъ укюмлеринен таныш олмакъ керектир, акс алда къадер ве къазанынъ, Ярадангъа тевеккюльнинъ,
Хакъкъа къавушмакъ арзусынынъ манасыны анълаялмамыз.
Тасаввуф къырымтатар классик эдебиятында муим ер алгъандыр. A.Кабаклы «Тюрк эдебияты»
китабында къайд эткени киби тасаввуфнынъ тамырлары ислямиет ве шериат иле сыкъ багълы бир юдже
инанч, фикир системи, яшайыш тарзыдыр». Классик эдебиятымызда Мустафа Мюдамиден башлап баба-
огъул Афифеддин Абдулла бин Ибрахим (о. 1640, «Афифи») ве Абдульазиз бин Афифеддин Абдулла
(1611-1694/95, «Иззи»), Ашыкъ Умер, Мехмед Факърий, Хиджабий Абдульбакъи (1737-1822) ве дигерлер
тасаввуфкъа аит эдебий эсерлерни язгъанлар. Шаир Исмет бин Шуайб Челебининъ «Кефе» дестанынынъ
мевзусы Кефеде юзь берген хасталыкъ фелякети олса, гъаеси – агъыр вазиеттен чаре булмакъ ичюн
хидаетке иришмектир:
Къаплады Кефени, этти пис зиндан
Иришкейди бир хидает Кефеге, - деп язгъан эди шаир.
Янъы девир эдебиятына мураджат этер экенмиз «Уянув девир»де язылгъан ве элимизде олгъан бедий
эсерлер оджа ве алимлеримиз тарафындан, бельки де, зиядедже огренильгендир, ве шу себептен о
заманнынъ эсерлери акъкъында тенкъидий макъалелерде фаркълы фикирлер растланылыр. Малюм олгъаны
киби, ХIХ асырнынъ экинджи ярысында медениетимиз терен тургъунлыкъ ве бухран ичинде къалып кетти.
Зиялылар, асыл олгъан вазиеттен чаре тапмакъ ичюн миллетнинъ маневий дюнясыны, рухий вазиетини
тедавийлемекни догъру корелер. Къырым Ханлыгъы ишгъаль этильген, девлет институтлары дагъылгъан
сонъ, табиий, диний аят ве шу джумледен диний илимлернинъ огренильмеси де баягъы акъсап башлады.
Мектеп ве медреселерде диний фенлернинъ огренильмеси ве огретильмеси юксельмеди, аксине алчалды
Сулейманова Д.Н.
КЪЫРЫМТАТАР ЭДЕБИЯТЫНЫНЪ ИСЛЯМ МЕДЕНИЕТИ ЧЕРЧИВЕСИНДЕКИ ИНКИШАФЫ
80
[6]. Халкънынъ омюринде «шериат къанунларына нисбетен адетлернинъ устюн турмасы»ны
(Г.Сеитваниева, «Янъы дюнья» 2010, 17 дек.) козьэтмек мумкюн. Миллет агъыр бир алда олгъанда,
яшайышыны баскъан тотлардан арындырмакъ ниетинен эдиплеримиз озь бедиий эсерлеринде, уйдургъан
образларынынъ васталары иле, джемиетнинъ энъ зайыф тарафларына тесир этмеге тырыштылар.
А.С.Айвазов «Неден бу ала къалдыкъ?» пьесасында Абдуль Ватан ве Абдуль Ислямларнынъ образлары
вастасынен озюнинъ гражданлыкъ позициясыны бильдирип, окъумыш генч ве ихтиярларгъа тесир этмеге
тырыша. Пьесанынъ саналарында, муэллиф, джемиетнинъ сагъламлашмасы ислямнынъ асылына къайтувда
ве миллетнинъ ватанперверлик рухунынъ къавийлигинде олгъаныны окъуйджыгъа еткизмекни макъсад эте.
Н.Челебиджиханнынъ шиирлери тасаввуф аньаньелеринде язылып, эсасында ярыкъкъа ынтылувны
екяне догъру ёл олгъаныны косьтере. Ярыкъ анълам оларакъ огренильсе манасыны тасаввуфта арамакъ
керек оладжакъ ве табиий, ислям дининен багъламайып, Н.Челебиджиханнынъ иджадында теренликни
эльде эталмамыз.
Б.Чобан-заденинъ «Огъурлы джоллар» икяесине мураджат этейик, эсернинъ гъаеси къырымтатарлар
маневиятынынъ, ахлякъынынъ зайыфлашмасыны косьтермек. Чобан-заде инджелик ве буюк усталыкънен
саде бир вазиетлерни къулланып, зайыфламамызнынъ себеплерини де, акъибетлерини де гъает айдын ве
тесирли шекильде нумайыш эте.
А.Озенбашлынынъ «Дюнюмизнинъ джанлы левхалары» эсерини алайыкъ. Левхаларнынъ баш
къараманы омюринде къазангъан мувафакъиетлерни озюнинъ юксек дереджели ахлякъынен
къазангъандыр. Ве ниает, земаневий девирге мураджат этейик. Заманымызнынъ сонъки бедиий
эсерлеринден «Баба ве огъул» икяесининъ муэллифи, истидатлы несирджимиз Т.Халилов, миллетимизнинъ
тарихында авдет деврининъ агъыр йылларыны къараманынынъ хатыраларында акс эте. Ватангъа авдет
эткен ватандашларымыз, Къырымда яшайыш къурмакъ ичюн, топракъларны запт этмек меджбурындалар.
Запт этюв исе эксериет акимиетке къаршы чатышмаларгъа алып бара эди. Бойле бир чатышма арфесинде
вазиет пек кергинлешкенде, ватандашларымыз, бутюн джесюрликлерини топлап милислерге къаршы
сыраларны тизелер: «Джемаат!Бу джанаварлар даа не къадар къанымызны ичеджеклер? Илери! Аллаху
экбер!»-деп къычыраракъ, милислернинъ устьлерине арслан киби атылдыкъ, Аллахны анъсанъ, къоркъу не
олгъаныны бильмей экенсинъ, атта олюм козюнъе корюнмей.» Мисаль оларакъ кетирильген учь сатырнынъ
ичинде къырымтатар халкъыны тарихлерде мешур эткен кучьнинъ ирмагъыны корьмек мумкюн.
2005 сенелерден башлап эдебиятымыз терен бухран ичинде къалгъанына бакъмадан яш къалемлер, аз
олса да, язмакъталар. Оларнынъ къалемлери даа пек откюр дегиль амма, умют этемиз ки аткъан адымлары
догъру ёлдадыр. Генчлеримиз кендилерини ислям медениети ичинде ис эткенлерини оларнынъ
иджадларындан анъламакъ мумкюндир. Мисаль «Ильхам» клубынынъ талебеси С.Карашаева «Сонъки
япракъ» икяесининъ муэллифидир. Эсерине эпилог оларакъ бир хадис-и шерифни алгъан, эсерининъ
гъаесини шу хадиснинъ икметинде косьтерген.
Илериде теткъикъатнынъ инкишафы. Теткъикъатчы бедиий эсерлерде диний аспектни огренир
экен, бу мевзуда бильгиси етерлик дереджеде олмалы, ве озь ишинде обьективлик принциплеринде
турмалы. Филологнынъ макъсады - фактларны огренмек ве талиль этмектир.
Къулланылгъан эдебият:
1. Шемьи-заде Э. Эдебий ве тенкъидий макъалелер / Э. Шемьи-заде. – Симферополь : Доля, 2000. – 248 с.
2. Усеин К. Къырымтатар эдебияты тарихы. Къадимий девир / К. Усеин // Йылдыз. – 2007. – № 1.– С. 72.
3. Kabaklı A. Türk edebiyatı / A. Kabaklı. – İstanbul, 1997. – S. 3.
4. Kabaklı A. Türk edebiyatı / A. Kabaklı. – İstanbul, 1997. – S. 86.
5. Кокиева А. Къырымтатар эдебиятынынъ тарихы. 9сыныф ичюн / А. Кокиева. – Симферополь : Къырым
девлет окъув педогогика нешрияты, 2002. – C. 51.
6. Кричинский А. Очерки русской политики на окраинах» к истории религиозных притеснений крымских
татар / А. Кричинский. – Баку : Издание союза мусульманской трудовой интелегенции, 1919.
7. Озенбашлы А. Къырым фаджиасы. Сайлама эсерлер / А. Озенбашлы. – Симферополь, 1997. – 256 с.
8. Чобан-заде Б. Меним языларым / Б. Чобан-заде. – Симферополь : Тарпан, 2009. – 252 с.
9. Мірошниченко М. М. / М. М. Мірошеиченко, Ю. У. Кандим; сост. голов. спец. ред. лит. мовами нац.
меншин України. – К., 2003. – 769 с.
10. Меметов А. Къырымтатар тилининъ имля лугъаты / А. Меметов. – Симферополь :
Къырымдевокъувпеднешир, 2006. – 152 с.
|