Тарикъатлар хусусиетлери
В статье проанализированы в историко-хронологическом и диахроническом аспектах весьма важный социальный институт – суфийские братства и их деятельность. Работа посвящена по преимуществу особенностям и характерным чертам практического (прагматического, или рефлекторного) суфизма, который функци...
Збережено в:
| Дата: | 2012 |
|---|---|
| Автор: | |
| Формат: | Стаття |
| Мова: | other |
| Опубліковано: |
Кримський науковий центр НАН України і МОН України
2012
|
| Назва видання: | Культура народов Причерноморья |
| Теми: | |
| Онлайн доступ: | http://dspace.nbuv.gov.ua/handle/123456789/55904 |
| Теги: |
Додати тег
Немає тегів, Будьте першим, хто поставить тег для цього запису!
|
| Назва журналу: | Digital Library of Periodicals of National Academy of Sciences of Ukraine |
| Цитувати: | Тарикъатлар хусусиетлери / Э.Э. Куртумеров // Культура народов Причерноморья. — 2012. — № 224. — С. 74-77. — Бібліогр.: 6 назв. — кр. тат. |
Репозитарії
Digital Library of Periodicals of National Academy of Sciences of Ukraine| id |
irk-123456789-55904 |
|---|---|
| record_format |
dspace |
| spelling |
irk-123456789-559042015-02-22T10:25:25Z Тарикъатлар хусусиетлери Куртумеров, Э.Э. Литература народов мира. Крымскотатарское литературоведение В статье проанализированы в историко-хронологическом и диахроническом аспектах весьма важный социальный институт – суфийские братства и их деятельность. Работа посвящена по преимуществу особенностям и характерным чертам практического (прагматического, или рефлекторного) суфизма, который функционально осуществляется через братства, а не специфике суфизма интеллектуального, то есть не его религиозно-философским и этико-моральным доктринам и положениям. 2012 Article Тарикъатлар хусусиетлери / Э.Э. Куртумеров // Культура народов Причерноморья. — 2012. — № 224. — С. 74-77. — Бібліогр.: 6 назв. — кр. тат. 1562-0808 http://dspace.nbuv.gov.ua/handle/123456789/55904 821.512 other Культура народов Причерноморья Кримський науковий центр НАН України і МОН України |
| institution |
Digital Library of Periodicals of National Academy of Sciences of Ukraine |
| collection |
DSpace DC |
| language |
other |
| topic |
Литература народов мира. Крымскотатарское литературоведение Литература народов мира. Крымскотатарское литературоведение |
| spellingShingle |
Литература народов мира. Крымскотатарское литературоведение Литература народов мира. Крымскотатарское литературоведение Куртумеров, Э.Э. Тарикъатлар хусусиетлери Культура народов Причерноморья |
| description |
В статье проанализированы в историко-хронологическом и диахроническом аспектах весьма важный социальный
институт – суфийские братства и их деятельность.
Работа посвящена по преимуществу особенностям и характерным чертам практического (прагматического, или
рефлекторного) суфизма, который функционально осуществляется через братства, а не специфике суфизма
интеллектуального, то есть не его религиозно-философским и этико-моральным доктринам и положениям. |
| format |
Article |
| author |
Куртумеров, Э.Э. |
| author_facet |
Куртумеров, Э.Э. |
| author_sort |
Куртумеров, Э.Э. |
| title |
Тарикъатлар хусусиетлери |
| title_short |
Тарикъатлар хусусиетлери |
| title_full |
Тарикъатлар хусусиетлери |
| title_fullStr |
Тарикъатлар хусусиетлери |
| title_full_unstemmed |
Тарикъатлар хусусиетлери |
| title_sort |
тарикъатлар хусусиетлери |
| publisher |
Кримський науковий центр НАН України і МОН України |
| publishDate |
2012 |
| topic_facet |
Литература народов мира. Крымскотатарское литературоведение |
| url |
http://dspace.nbuv.gov.ua/handle/123456789/55904 |
| citation_txt |
Тарикъатлар хусусиетлери / Э.Э. Куртумеров // Культура народов Причерноморья. — 2012. — № 224. — С. 74-77. — Бібліогр.: 6 назв. — кр. тат. |
| series |
Культура народов Причерноморья |
| work_keys_str_mv |
AT kurtumerovéé tarikʺatlarhususietleri |
| first_indexed |
2025-07-05T07:10:02Z |
| last_indexed |
2025-07-05T07:10:02Z |
| _version_ |
1836789953005092864 |
| fulltext |
Сеитваниева Г.Ю.
А.С. АЙВАЗОВНЫНЪ ПУБЛИЦИСТИКАСЫ: МЕВЗУ ВЕ ПРОБЛЕМАТИКА АСПЕКТЫ
(«ВАТАН ХАДИМИ» ГАЗЕТАСЫ ВЕ «ФЮЙУЗАТ» МЕДЖМУАСЫ МИСАЛИНДЕ)
74
шууры юксельмеси оны эр джеэттен кямиллештирмеге, гъаесини кендисине макъсад эдинген улу
ватандашларымыздан бири эди.
Бугунь де бугунь, А. С. Айвазовнынъ эдебий-публицистик асабалыгъыны текмиллемеси – миллий
публицистикамыз саасында джиддий малюмат эльде этильмесине земин оладжакътыр.
Къулланылгъан эдебият:
1. Керимов И. А. Гаспринскийнинъ «Джанлы» тарихы. (По материалам газеты «Терджиман» 1883 -1914
гг. / И. А. Керимов. – Симферополь : Тарпан, 1999. – 408 с.
2. Керим И. А. Библиографический указатель печатных книг, статей и призведений на крымскотатарском
языке: 1618-1944 гг. / И. А. Керимов. – Симферополь : ОАО «Симферопольская городская типография»
(СГТ), 2009. – С. 45-52, 185-190.
3. Керим И. А. Матбуатымызнынъ къыскъадан тарихы: Къырымтатар эдебияты (къулланма дерслик) /
И. А. Керим. – Акъмесджит: Къырымдевокъувпеднешир, 1995. – C. 319-348.
4. Сеитваниева Г. Ю. Къырымтатар публицистикасынынъ огренюв меселеси (XX асырнынъ ильк чериги)
= Qırımtatar publitsistikasını ögrenüv meselesi ( XX asırnıñ ilk çerigi) / Г. Ю. Сеитваниева // TIKA I.
ULUSLARARASI TURKOLOJI SEMPOZIUMU. – 2004. – С. 188-190.
5. Айвазов А. С. Къырымлылар не ичюн тенкъид идильмиёр? / А. С. Айвазов // Фюйузат. – 1907. – № 6. –
С. 93-96.
6. Керимов И. А. "Ветан хадими" газетасы (1906-1908): тарихи ве мундериджаты / И. А. Керимов //
Ученые записки Крымского инженерно-педагогического университета. – Вып. 23. – С. 106-112.
7. Айвазов А. С. Меслек ве мурадымыз / А. С. Айвазов // Ватан хадими. – 1906. – майыс 1.
8. Айвазов А. С. Ватана хызмет / А. С. Айвазов // Ватан хадими. – 1906. – майыс 1.
9. Айвазов А. С. Мектеплерин исляхи ве ичтима-и-муаллимин / А. С. Айвазов // Ветан хадими. – 1906. –
майыс 1.
10. Айвазов А. С. Хаят-и аиле ве аиледжилеримиз / А. С. Айвазов // Фюйузат. – 1907. – № 10. – С. 155-159.
11. Къырымтатарджада къыйын селер: тахаллюслер лугъаты / Тертип эткен И. А. Керим. – Акъмесджит :
Таврида, 2006. – 176 с.
12. Османлыджа-тюркче ансиклопедик лугъат = Osmanlıca-türkçe ansiklopedik lugat / сост. Ферит
Девеллиогълу. – Анкара : Айдын китабеви яйынлары, 1997. – 1195 с.
13. Айвазов А. С. Талим-и этфал меселеси / А. С. Айвазов // Фюйузат. – 1907. – № 13. – С. 200-203.
14. Айвазов А. С. Къадынлыкъ ве къадынларнынъ эхемиети / А. С. Айвазов // Фюйузат. – 1907. – № 25. – С.
415-416.
15. Айвазов А. С. Хаят-и акъвам / А. С. Айвазов // Фюйузат. – 1907. – № 7. – С. 106-108; № 27. – С. 447-448;
№ 29. – С. 432-434.
16. Айвазов А. С. Къырым генчлигининъ ильки газетеси «Ветан хадими»нинъ 20-сенелиги мунасебетиле /
А. С. Айвазов // Илери. – 1926. – № 1. – С. 49-53.
Куртумеров Э.Э. УДК 821.512
ТАРИКЪАТЛАР ХУСУСИЕТЛЕРИ
ОСОБЕННОСТИ И ХАРАКТЕРНЫЕ ЧЕРТЫ СУФИЙСКИХ БРАТСТВ
В статье проанализированы в историко-хронологическом и диахроническом аспектах весьма важный социальный
институт – суфийские братства и их деятельность.
Работа посвящена по преимуществу особенностям и характерным чертам практического (прагматического, или
рефлекторного) суфизма, который функционально осуществляется через братства, а не специфике суфизма
интеллектуального, то есть не его религиозно-философским и этико-моральным доктринам и положениям.
Котерильген проблема. Къырымтатар эдебиятынынъ тасаввуф эдебияты адыны ташыгъан болюги
акъкъында сёз юрсетмек ичюн башта бир тасаввуфнынъ ве тарикъатларнынъ пейда олув тарихыны,
оларнынъ пейда олув себеплерини огренмек лязим. Теэссюфки? Советлер девринде яшагъан мусульман
халкъларнынъ, шу джумледен къырымтатар халкъынынъ тасаввуф эдебиятыны огренмеге имкянлары ёкъ
эди. Мисаль оларакъ тасаввуф эдебиятынынъ энъ корюмли векиллеринден олгъан Хазрети Мевляна
Джеляледдин Румий, Хазрети Ахмед Йессевий киби шаирлерни Авропа ве Американынъ алий окъув
юртларында бизлерден даа яхшы билелер ве оларнынъ иджадларыны огренелер. Бугунь инсанлар маневий
дегерлерден эп узакълашаяткъан бир девирде тасаввуф эдебияты векиллерининъ эсерлерине сыкъ-сыкъ
мураджат этмемиз лязим. Чюнки бу эсерлернинъ инсан рухуны тербиелевдеки эмиети гъает буюк.
Бу себептен тасаввуф эдебиятыны огренюв меселеси актуальдир. Макъаледе тасаввуфта тарикъатлар
мевзусыны, оларнынъ догъув себеплерини ве оларны бир-биринден айырды эткен хусусиетлерни
айдынлатмакъ эсас макъсадымыз эди. Огюмизге къоюлгъан макъсаткъа иришмек ичюн эсасен
тарикъатларнынъ тарихыны яхшы бильген, несиллери тарикъатларнен багълы олгъан алимлер – Умер
Зияуддин Дагъистаний, Мехмед Захид Котку, Осман Нурий Топбаш, Эсад Джошан Хасан Кямиль Йылмаз
киби затларнынъ эсерлерине мураджат эттик ве бу менбааларгъа эсаслангъан алда озь фикирлеримизни
ЛИТЕРАТУРА НАРОДОВ МИРА. КРЫМСКОТАТАРСКОЕ ЛИТЕРАТУРОВЕДЕНИЕ
75
бильдирдик.
Бунынънен берабер Къырымда Ислям динининъ пейда олув тарихы ве мевлевийлик тарихы акъкъында
озь фикирлеримизни беян эттик.
«Тарикъат» сёзю тилимизге арап тилинден кирген олып, «кениш ёл», «зенаат», «усул» деген маналарны
анълата. Динде исе бу сёз «Аллах ризасыны къазанмакъ ичюн тутулгъан ёл» деген манада къулланыла.
Тасаввуфта исе тарикъаткъа шойле изаат бериле: «Тарикъатларнынъ башлангъычы – шериатнынъ
эсасларына сым-сыкъы сарылгъан сонъ мумкюн олгъаны къадар зикир ве Аллахнынъ инсанларгъа лютуф
эткен ниметлернен юдже къудрети узеринде терен тефеккюр этмек, ортасы – инсанларнен ашыры
дереджеде ульфет ве унсиеттен сакъынмакъ, инсанларнен я да джезб этиджи дигер шейлернен дегиль,
ялынъыз Аллахнен мешгъуль олмакъ ве ялынъыз Онъа якъын ве Онынънен унсиййет этмектир. Нетиджеси
исе эр вакъыт озюни Хакънынъ хузурында булунгъан киби ис этмек, бутюн арекетлерини ихсан
дереджесинде япмакътыр» [1, с. 74].
Тарикъатларнынъ бутюнининъ гъаеси – муридлерини ялынъыз Аллахкъа къуллукъ ве ялынъыз Онынъ
ризасыны къазанмакъ макъсадына ириштирмектир.
Бир хадис-и шерифте Пейгъамбер эфендимиз (с.а.в.) тарикъатны шойле беян эткен: « Шериат –
сёзлерим; тарикъат – арекетлерим; акъикъат – алларым; марифет исе эр шейим олгъан эсас сермаемдир»
[1, с. 75].
Тарикъат – кямиль бир муршиднинъ иршадынен нефиснинъ ибадетке хасрийле вахдет хакъикъатына
вусул ёлу тутмакъ деген мананы анълата. Башкъа бир тарифнен фарзларны къылгъан сонъ нафилелернен
Аллахкъа якъынлыкъ тасиль этмектир. Тарикъатнынъ эсасы инсан рухунынъ тербие ве иршад ёлунен
хариджий алемден мунсебетлерининъ кесильмеси ве батын алеминен алякъасыны теминленмесидир.
Ислям тарихында Акъабе биаты адынен белли олгъан бир вакъиа олып кечкен эди. Бир группа
мединелилер Мекке янындаки Акъабе деген бир къасабада Аллахкъа ширк къошмамакъ, хырсызлыкъ
япмамакъ, зина этмемек, ялан ве ифтирадан сакъынмакъ, Пейгъамберге къаршы кельмемек ве ондан
айрылмамакъ киби меселелерде Пейгъамберимизге къол берип биат япкъан, яни сёз берген эдилер. Бу
самимий биат нетиджесинде мусульманлар техликеден къуртулгъан эдилер. Бинаеналейх бир мусульман
бугунь озю, сёзю ве арекетлери бири-бирине уйгъун ве дюзгюн, фазилетте ве догърулыкъта орьнек
оладжакъ бир затны тапып, онынъ хузурында о куньге къадар ишлеген гуняхларына тевбе этип пешман
олса ве ондан сонъ кимсеге феналыкъ этмейджегине, ялан сёйлемейджегине, кимсенинъ малыны
чалмайджагъына, кимсени ольдюрмейджегине, вельхасыл эр тюрлю гуняхлардан сакъынаджагъына сёз
бермеси ве бу акъкъында Аллахны, Пейгъамберни ве тарикъат буюгини шаат тутмасы – тарикъат азасы
олмакътыр. Ондан сонъ о кимсе бутюн ал ве арекетлеринде сёз берген затнынъ незарети астында булуныр
ве онынъ берген корьгезмелерине таби олур. Тарикъат – тасаввуф системалашкъан сонъ пейда олгъан ве
кийим, зикир тарзы ве шахсий фикир айрылыкъларынен хусусиет ташыгъан тасаввуф тешкилятыдыр.
Тарикъатлар эсасен учь группагъа болюнелер:
1. Зухд ве ибадет тарикъаты: бу тарикъат амель саиплерининъ тарикъатыдыр, яни намаз, ораза
чогъунлыкъны тешкиль эткен тарикъат. Бу тарикъаткъа «Ахяр тарикъаты» дерлер.
2. Темизленмек ве нефисни енъмек тарикъаты. Бу тарикъат Хакънен, халкънен муамеледе садыкъ
олгъанларнынъ тарикъатыдыр. Онынъ макъсады нефиснинъ истеген шейлерни япмамакътыр. Бу ёлнен
инсан озь нефсини ярамай шейлерден арындырыр ве къальбини темизлер. Бу тарикъат «Эбрар» адынен
беллидир.
3. Ашкъ ве муаббет тарикъаты: Бу тарикъаткъа киргенлер акъикъий варлыкъкъа етишмек ичюн
маневий ёлджулыкъ япарлар [3, с. 405].
Тарикъатлар зикир меселесинде эки риваетни делиль оларакъ алгъанлар. Биринджи делиль Хакимнинъ
«Мустедрек» адлы эсеринде Эвс бин Шеддаддан ривает этильген хадистир. Хадисте шойле дениле:
«Ресулюллахнынъ хузурында булуна эдик. О: «Ичинъизде гъарип, яни эхл-и китаптан олгъан бармы?» -деп
сорады. «Ёкътыр, эй, Аллахнынъ Эльчиси» - дедик. О (с.а.в.), къапыны къапатмамызны эмир этти ве
эллеринъизни котерип «Ля иляхе илляллах» денъиз деп айтты. Бир саат къадар эллеримизни котерип
тевхид окъудыкъ. Сонъра: «Эльхамдулиллях, я, Раб. Сен мени бу келименен ёлладынъ ве къуллукъны эмир
эттинъ ве бунынънен Дженнетни ваад эттинъ. Сен ваадынъда сёзюнъде турмамазлыкъ этмезсинъ» - деди.
Сонъ: «Мубешшер олунъыз, Аллах Тааля сизни магъфирет этти»- деп буюрды.
Экинджи хадис Хазрети Алиден ривает этильген. Куньлерден бир кунь Хазрети Али Пейгъамбер
эфендимизден: «Аллахкъа вуслат ёлунынъ энъ якъыны ве къулларына энъ къолай ве Аллах индинде энъ
фазилетли не исе делялет буюр» деп риджада булунды. Хазрети Пейгъамбер: «Я, Али, хальветте Аллахны
зикирге девам эт. Козьлеринъни къапат ве мени динълейерек учь кере «Ля иляхе илляллах»- де, деп
буюрды. Хазрети Али де ойле япты [3, 405].
Ислямда ильк оларакъ къурулгъан тарикъат Шамда Куфели Эби Хашим (767 с.) адыны ташыгъан
тарикъаттыр. Бойле тарикъатларгъа Ибрахим Эдхем (777 с.) хазретлерине нисбет этильген «Маруфиййе»,
Байазид Бистамий хазретлерине нисбет этильген «Байазидиййе», Сехл Ибни Абдуллах Тустерий (896 с.) ге
нисбет этильген «Тустериййе» яхут «Сухейлиййе», Джунейид Багъдадий (909 с.) ге нисбет этильген
«Джунейдиййе» киби тирикъатларны мисаль кетирмек мумкюн. Булардан гъайры «Мухасибиййе»,
«Кассариййе», «Тайфуриййе», «Нуриййе», «Хакимиййе», «Харазиййе», «Хафифиййе», «Сеййариййе»,
«Хубейриййе» тарикъатлары энъ мешхур олгъан тарикъатлардандыр.
Тарикъаталар арасында эйи къаршыланмагъан ве бу себепнен «Турукъ-и мердуде» адыны алгъан
тарикъатлар да бар. Буларгъа мисаль оларакъ «Хулюлиййе» ве «Ибахиййе» тарикъатларыны кетирмек
мумкюн. Хулюлиййелер Аллахнынъ базы джисимлерге ерлешмеси ишанчында булунгъанлардыр.
Куртумеров Э.Э.
ТАРИКЪАТЛАР ХУСУСИЕТЛЕРИ
76
Ибахиййе исе шериатнынъ теркини мубах сайгъанлардыр.
Тарикъатта гъае эп юкъарыда сайылгъан нетиджелерге иришмек ичюн чалышмакътыр. Бинаеналейх
тарикъатларнынъ бутюни гъаеде бирлеширлер.
Анджакъ татбикъатта бири дигеринден фаркъ этер. Меселя, бир такъымлары зикрини ашкяре, бир
къысмы да гизли япар. Бекташийлернен меламийлернинъ зикирлери халкънынъ назарындан сакълыдыр.
Зикирде анджакъ тарикъаткъа аит кимселернинъ иштирак этмелери мумкюн. Тарикъаткъа аит олмагъанлар
махремиеййет даиресине къабул олмазлар. Зикирлерини ашкяре япкъанлар да экиге айрылыр. Бир
къысмынынъ зикри хафи (гизли), дигерининъки джели (ашкяр) дыр. Накъшийлернинъ ве о зумреден
олгъанларнынъ зикирлери хафи, хальветийлернен рифаийлернинъ зикирлери джелидир. Зикир къиям
(аякъта) ве къууд (отураракъ) итибарынен де экиге болюнир. Тарикъатларнынъ бир къысмы зикирлерини
аякъта, бир къысмы отургъан алда иджра этерлер. Тарикъатлар бир-биринден зикирнинъ сёзлерине коре де
фаркъ этмелери мумкюн. Меселя, тарикъатларнынъ эксериетинде «Ля иляхе илляллах» деп зикир
япылгъаны такъдирде, мевлевийлерде «Аллах» деп зикир этилир. Мевлевийлер зикирде «Ля иляхе
илляллах» ерине «Аллах» деп зикир этмелерининъ себеби шу риваетнен багълыдыр. Джунейид Багъдадий
хазретлери бир кунь шейхи олгъан Сериййи Сакъатийнинъ хузурына кире. Онынъ «Аллах, Аллах…» деп
зикир эткенини коре. «Зикирлернинъ эфдалы «Ля иляхе Илляллах» олгъанда не себептен «Аллах, Аллах»
деп зикир этмесининъ себебини сорай. Сериййи Сакъатий хазретлери де : «Огълум, «Ля» яхут «Ля иляхе»
айтып да, «Илляллах» демеге етиштиремейип ольмектен къоркъам» - деп джевап берди. Анълашылгъаны
коре «Ля иляхе» демек «Илях ёкътыр» демек [3, с. 408].
Тарикъатлар зикирнинъ шекли итибарынен бир-бирлеринден фаркъ эткенлери киби, шейхлерининъ ве
муридлерининъ кийген урбалары ве башларына такъкъан тадж ве кулях итибарынен бир-бирлеринден
айрылалар. Бекташлылар башларына он эки имамгъа делялет эткен тилимли ве басыкъ тадж кийселер,
мевлевийлер тюз ве узун сикке киерлер.
Ислямда иман дереджесине коре тахкъикъий ве такълидий оларакъ экиге айырыла.
Такълидий иман – бир кимсенинъ араштырма япмадан, башкъаларнынъ ал ве арекетини корип, оларгъа
таби олув нетиджесинде пейда олгъан имандир. Меселя, мусульман бир къорантада оськен бир бала
анасындан ве бабасындан корип, Ислямны менимсемеси – такълидий имандыр.
Тахкъикъий иман – Ислямнынъ иман эсасларыны араштырып, делиллерини огренип, къальбнен ве
акъылнен инанув нетиджесинде пейда олгъан имандир.
Итикъад алимлери тахкъикъий иманны иманнынъ устюн дереджеси саялар. Чюнки бу иман огренюв
ёлунен пейда ола. Такълидий иман исе иманнынъ зайыф дереджеси сайылыр.
Тасаввуф алимлерине коре такълидий иманнынъ эмиети даа буюктир. Чюнки инсан иманда ве ибадетте
орьнек оладжакъ бир оджагъа, яни бир муршидге ихтияджы бар. О, бу муршидни такълид этерек озь
иманыны къавийлештирмеге, ибадетлерини де онынъ киби ерине кетирмеге арекет эте. Тасаввуф
алимлерине коре гузель ахлякъ саиби дереджесине етишмек ичюн де мытлакъа бир орьнек инсан олмалы.
Бу орьнек инсан Аллахнынъ Ресулидир. Амма Аллах Ресулининъ гузель ахлягъыны аятта яшап косьтере
биледжек инсан кене муршиддир. Чюнки эр бир инсан ибадетлерни де, гузель ахлякъны да озюнинъ
фикирлев дереджесине коре анълап, бунъа коре оларны ерине кетирмеге арекет этмеси, табиий бир алдыр.
Бу исе ибадетлерде, ахлякънен багълы меселелерде эксиклерге алып кельмеси мукюн.
Эвель заманларда диний бильгилерни огренмек ичюн медресеге окъумагъа кельгенлерге «Ахлякъ
огрендинъми?» деп сорай экенлер. «Ёкъ» деп джевап бергенлерге: «Башта ахлякъ огрен»- деп кери
къайтара экенлер. Бу себептен дёрт буюк мезхепнинъ къуруджылары олгъан имамлар биззат озь деврининъ
шейхлеринден тарикъат алгъанлары белли. Меселя, имам Шафиий хазретлерининъ Шейбаний Раий адында
бир уммий тарикъат оджасы бар эди. Шафиий хазретлери бу уммий затнынъ къаршысында бир агъыз сёз
биле айтып оламай, бир бала киби тили тутула эди. Куньлерден бир кунь Шафиий хазретлерини зиярет
этмеге кельген имам Ханбель онынъ бир уммий инсан къаршысында кучюк бала вазиетине тюшмесининъ
себебини сорады. Имам Шафиий хазретлери: «Бизим илим ве иман мевзусындаки сёзлеримиз бу затта
фиилий яшанылгъан бир ал ве арекет шеклинде тезахюр эткендир»,- деп джевап берген эди. Иман Ханбель
бу затны имтиан этмек истеди. Имам Шафиий онъа бу ишинден вазгечмесини, акси алда пешман олмасы
мумкюнлигини айтты. Имам Ханбель айткъаныны япты. О, Шейбаний Ханийни раст кетиргенде: «Оджам,
девелернинъ зекяты хусусында не айтарсынъыз?», деп сорады. Шейбаний Раий хазретлери: «Фыкъых
ильминен огърашкъан сизлерге коре беш девеге бир къой зекят берилир. Амма бизлерге коре беш девенинъ
эписи ве бар олса къойда зекят оларакъ берилир» деген джевапны берди. Имам Ханбельнинъ: «Делилинъиз
недир?» деп сорады. О: «Делилимиз Хазрети Эбу Бекирдир. О, бир муджахаде вакътында Ресул-и Экрем
(с.а.в.) ге эвинде олгъан бутюн малыны кетирген эди. Ресул-и Экрем (с.а.в.) ондан: «Эвинъдекилер ичюн не
къалдырдынъ, эй, Эбу Бекир?» - деп сорады. «Олар ичюн Аллахны ве Ресулини къалдырдым, эй,
Аллахнынъ Ресули» - деп джевап берген эди» -деди. Бир уммий инсандан бойле джевап эшиткен имам
Ханбель хазретлери шашыргъан ве эсини джойгъан эди [1, с. 9].
Юкъарыда адлары кечкен бутюн тарикъатлар Ислям динининъ даркъалмасына буюк иссе къоштылар.
Аджеба, Къырымда Ислям дини не вакъыт пейда олды ве насыл тарикъатлар фаалиет косьтерди? Языкъки,
бу суальге джевап бермек ичюн шимдики вакъытта элимизде етерли малюматлар ёкътыр. Бу себепнен, бу
мевзуны айдынлатмакъ ичюн халкъымыз арасында белли олгъан базы риваетлерге ве озь фикирлеримизге
эсасланаракъ шуларны айтмамыз мумкюн. Къартларымыз айткъанына коре, халкъымыз наме ёлунен
(мектюп язып) мусульман олгъанлар. Яни къырымтатарлар Ислям динини озь истеклеринен къабул
эткенлер. Амма бу вакъианыннъ не вакъыт олгъаны белли дегиль. Умер Ипчининъ «Гъазы Мансур» адлы
ЛИТЕРАТУРА НАРОДОВ МИРА. КРЫМСКОТАТАРСКОЕ ЛИТЕРАТУРОВЕДЕНИЕ
77
поэмасы олгъаны белли. Бу поэма 1917 сенеси «Къырым оджагъы» газетасында басылгъаны акъкъында
малюмат бар. Амма бу эсер шимдики вакъытта элимизде ёкъ. Ялынъыз Керим Джаманакълынынъ
макъалесинде бу поэмадан парчалар берильген. Гъазы Мансур Пейгъамбер эфендимизнинъ сафдашы, яни
асхабы олгъаны акъкъында язылгъан. О, дин, ватан огърундаки дженклерден биринде шехит олгъан ве
Къырымда Чуфут Къале янындаки бир азбарда дефин олунгъан [6, с. 272]. Эгер Гъазы Мансур акъикъатта
Пейгъамер эфендимизнинъ сафдашларындан олса, демек ильк мусульманлар Къырымда VII асырда пейда
олдылар деп айтмакъ мумкюн. Бундан да гъайры Авропаны Шаркъ дюньясынен багълагъан тиджарет ёлу
Къырымдан кече эди. Бу себептен Къырымгъа кельген тиджаретчилер арасында мусульманлар да бар эди.
Бу мусульман тиджаретчилер, булунгъан улькелеринде Ислямны да анълата эдилер. Ве бойле ёлнен де
Къырымда ерли эали арасында Ислямны къабул эткенлер олды. Айтмакъ мумкюн ки, Къырымда та VII-VIII
асырларда Ислям динини кутькенлер бар эди. Базы малюматларгъа коре Бахчасарайда X асырларгъа аит
олгъан баш ташлары тапылгъаны язылгъан. XIII асырнынъ башларында Къырымда Ислям дини кениш
даркъалгъан эди деп айтмагъа делиллеримиз бар. Бойле делиллерден бири Тюркиеде чокъ мешхур олгъан
Шейх Эдебалидир. Малюматларгъа коре о, 1209 сенеси Къырымдан Анадолугъа коче ве андаки Эски
Шехерге барып ерлеше. Бу ерде о медресе ачып талебе окъута. Демек XIII асырнынъ башында Къырымда
буюк Ислям алимлери етишкен деп айтмамыз мумкюн. Кене бир делилимиз Махмуд Къырымлынынъ
«Юсуф ве Зулейха» адлы дестаныдыр. Белли олгъына коре бу эсер Къуран-ы Керим ве онынъ тефсиринден
файдалангъан алда язылгъан бир эсердир. Эсер 1223 сенеси язылгъан. Ислям дини кениш даркъалмагъан
бир улькеде бойле эсернинъ яратылмасы мумкюн дегиль. Белли арап тарихчысы Амин Халийнинъ
язгъанына коре, 1232 сенеси Къырымгъа Джынгъызханнынъ торуны Батуханнынъ аскерлерининъ кирип
келюви нетиджесинде, ерли илим адамларындан бир чокъу Шам, Мысыр киби улькелерге иджрет япалар.
Олар арасында буюк дин адамлары да бар эди. Буларгъа мисаль оларакъ Къырым къадысынынъ огълу Дия
ибни Мухаммед аль-Къырымий, Рунк эд-Дин аль-Къырымий киби алимлерни айтмакъ мукюн. Олар
Къахиредеки Аль-Бейбарсия медресесинде мудеррислик япалар. Ве ниает Алтын Орду ханы Узбекхан
девринде Ислям дини девлет дини оларакъ къабул этильди (1314 с.). О девирде Къырым Алтын Ордунынъ
теркибине кире эди. Демек XIII асырдан итибарен Къырымда Ислям дини девлет дини оларакъ къабул
этильди.
Къырымда Ислям динининъ яйылмасында мевлевийлик тарикъатынынъ хызмети буюк олды.
Ашагъыда бу тарикъат акъкъында ве онынъ тешкилятчысы акъкъында къыскъа малюмат бермеге истеймиз.
Мевлевийлик тарикъаты Хазрети Мевлянанынъ адыны ташый. Аслында бу тарикъатнынъ къуруджысы
онынъ огълудыр. Мевляна – «саипимиз», «эфендимиз» еринде къулланылгъан табирдир.
Хазрети Мевляна Джеляледдин-и Румий 604 сенеси (милядий 1207 с.) реби-уль эввельнинъ 6-нджы
куню шимдики Афгъанистаннынъ Белх шеэринде тевеллюд этти. Харирий Заде Кемалнынъ «Тибян-ут-
тюрк» китабында Мевлянанынъ шеджереси акъкъында шойле малюмат бериле: Мухаммед Джеляледдин-и
Белхий юр-Румий бин Султан-ул Улема шейх Мухаммед Бахаэддин бин Хусейин-уль-Хатибий бин Ахмед-
иль Хатибий бин Махмуд бин Меврут бин Сабит бин Мусеййеб бин Мутаххар бин Хаммад бин
Абдуррахман бин Эбу Бекр-ус Сыддыкъ»[3, с. 499].
Хазрети Мевляна 1273 сенеси Коньяда вефат этти.
Нетидже. Макъаледе тарикъатларны бир-биринден айырды эткен эсас хусусиетлер бельгиленди.
Тарикъатларнынъ инсан рухуны тербиелевдеки эмиети айдынлатылды. Шимдики вакъытта джемиетимизде
пейда олаяткъан гъайры инсаний арекетлернинъ огюни алувда тарикъат векиллерининъ яшайыш тарзыны
окъув юртларында огренмекнинъ эмиети буюк олур деген фикирге келинди.
Къулланылгъан эдебият:
1. Dagıstaniy Ö. Z. Tasavvuf ve Tarikatlarla İlgili Fetvalar / Ö. Z. Dagıstaniy; çevirenler İ. Gündüz, Y. Çiçek. –
Istanbul : Seha Neşriyatı, 1990. – 192 s.
2. Devellioglu F. Osmanlıca-Türkçe Ansilopedik Lugat / F. Devellioglu. – Ankara : Aydın Kitabevi Yayınları,
2001. – 1195 s.
3. Pakalın M. Z. Tarih Deyimleri ve Terimleri Sözlügü / M. Z. Pakalın. – İstanbul : Milliy Egitim Basımevi,
1971. – 682 s.
4. Topbaş O. İmandan İhsana Tasavvuf / O. Topbaş. – İstanbul : Erkam Yayınları, 2002. – 532 s.
5. Yılmaz C. Tanımı, Kaynakları ve Tesirleriyle Tasavvuf / C. Yılmaz. – İstanbul : Seha Neşriyatı, 1991. – 238 s.
6. Фазыл Р. Къырымтатар эдебиятынынъ тарихы: къыскъа бир назар / Р. Фазыл, С. Нагаев. –
Симферополь : Крымучпедгиз, 2001. – 640 с.
|