Янъы усулий меджмуа
В статье «Янъы усулий меджмуа» («Новый методический журнал») раскрываются возможности использования журнала «Ана тили оджаларына» («Учителям родного языка») для развития крымскотатарского языка, совершенствования методики преподавания родного языка и литературы. Особенностью данного издания является...
Збережено в:
| Дата: | 2011 |
|---|---|
| Автор: | |
| Формат: | Стаття |
| Мова: | other |
| Опубліковано: |
Кримський науковий центр НАН України і МОН України
2011
|
| Назва видання: | Культура народов Причерноморья |
| Теми: | |
| Онлайн доступ: | http://dspace.nbuv.gov.ua/handle/123456789/55970 |
| Теги: |
Додати тег
Немає тегів, Будьте першим, хто поставить тег для цього запису!
|
| Назва журналу: | Digital Library of Periodicals of National Academy of Sciences of Ukraine |
| Цитувати: | Янъы усулий меджмуа / Л.Н. Асанова // Культура народов Причерноморья. — 2011. — № 211. — С. 118-119. — Бібліогр.: 8 назв. — кр.тат. |
Репозитарії
Digital Library of Periodicals of National Academy of Sciences of Ukraine| id |
irk-123456789-55970 |
|---|---|
| record_format |
dspace |
| spelling |
irk-123456789-559702014-02-10T03:25:55Z Янъы усулий меджмуа Асанова, Л.Н. Вопросы духовной культуры – ФИЛОЛОГИЧЕСКИЕ НАУКИ В статье «Янъы усулий меджмуа» («Новый методический журнал») раскрываются возможности использования журнала «Ана тили оджаларына» («Учителям родного языка») для развития крымскотатарского языка, совершенствования методики преподавания родного языка и литературы. Особенностью данного издания является DVD приложение, включающее наглядные материалы для уроков и внеклассных мероприятий. 2011 Article Янъы усулий меджмуа / Л.Н. Асанова // Культура народов Причерноморья. — 2011. — № 211. — С. 118-119. — Бібліогр.: 8 назв. — кр.тат. 1562-0808 http://dspace.nbuv.gov.ua/handle/123456789/55970 37.091.33 other Культура народов Причерноморья Кримський науковий центр НАН України і МОН України |
| institution |
Digital Library of Periodicals of National Academy of Sciences of Ukraine |
| collection |
DSpace DC |
| language |
other |
| topic |
Вопросы духовной культуры – ФИЛОЛОГИЧЕСКИЕ НАУКИ Вопросы духовной культуры – ФИЛОЛОГИЧЕСКИЕ НАУКИ |
| spellingShingle |
Вопросы духовной культуры – ФИЛОЛОГИЧЕСКИЕ НАУКИ Вопросы духовной культуры – ФИЛОЛОГИЧЕСКИЕ НАУКИ Асанова, Л.Н. Янъы усулий меджмуа Культура народов Причерноморья |
| description |
В статье «Янъы усулий меджмуа» («Новый методический журнал») раскрываются возможности использования журнала «Ана тили оджаларына» («Учителям родного языка») для развития крымскотатарского языка, совершенствования методики преподавания родного языка и литературы. Особенностью данного издания является DVD приложение, включающее наглядные материалы для уроков и внеклассных мероприятий. |
| format |
Article |
| author |
Асанова, Л.Н. |
| author_facet |
Асанова, Л.Н. |
| author_sort |
Асанова, Л.Н. |
| title |
Янъы усулий меджмуа |
| title_short |
Янъы усулий меджмуа |
| title_full |
Янъы усулий меджмуа |
| title_fullStr |
Янъы усулий меджмуа |
| title_full_unstemmed |
Янъы усулий меджмуа |
| title_sort |
янъы усулий меджмуа |
| publisher |
Кримський науковий центр НАН України і МОН України |
| publishDate |
2011 |
| topic_facet |
Вопросы духовной культуры – ФИЛОЛОГИЧЕСКИЕ НАУКИ |
| url |
http://dspace.nbuv.gov.ua/handle/123456789/55970 |
| citation_txt |
Янъы усулий меджмуа / Л.Н. Асанова // Культура народов Причерноморья. — 2011. — № 211. — С. 118-119. — Бібліогр.: 8 назв. — кр.тат. |
| series |
Культура народов Причерноморья |
| work_keys_str_mv |
AT asanovaln ânʺyusulijmedžmua |
| first_indexed |
2025-07-05T07:15:02Z |
| last_indexed |
2025-07-05T07:15:02Z |
| _version_ |
1836790267810676736 |
| fulltext |
Асанова Л.Н.
ЯНЪЫ УСУЛИЙ МЕДЖМУА
118
Асанова Л.Н. УДК 37.091.33
ЯНЪЫ УСУЛИЙ МЕДЖМУА
НОВЫЙ МЕТОДИЧЕСКИЙ ЖУРНАЛ
В статье «Янъы усулий меджмуа» («Новый методический журнал») раскрываются возможности использования
журнала «Ана тили оджаларына» («Учителям родного языка») для развития крымскотатарского языка,
совершенствования методики преподавания родного языка и литературы. Особенностью данного издания является
DVD приложение, включающее наглядные материалы для уроков и внеклассных мероприятий.
Меселенинъ котерилюви. Къырымтатар тили сюргюнлик нетиджесинде агъыр вазиетте олгъаны эр
кеске белли. Япылгъан иш-арекетлерге бакъмадан онынъ алы кереги киби денъишмей. Фикиримиздже,
бунынъ бир къач себеби бар:
− кырымтатар тилининъ девлет статусы ёкъ, мектеплерде эр кеске оны огренмеге шарт дегиль;
− базы мектеплернинъ мудирлери къырымтатар тилини огренмек ичюн керек шараитлерни
яратмайлар: дерслер пек эрте я да кеч – 7-8 дерслери къоюла, я да айны заманда калгъан талебелер ичюн
математика, физика ве башкъа муим дерслер кече;
− ана тилини эйи бильген къартлар йыл-йылдан азлаша, бу дюньяны терк этелер, генч ана-бабалар
тасилини рус тилинде алдылар ве ана тилини зайыф билелер, чокъусы озь балалары иле рус тилинде
къонушалар;
− мектеплерде кырымтатар тилини огретювде хаталар ве етишмемезликлер бар: базы программалар
ве дерсликлер муреккеп, талебелернинъ бильгилерине уйгъун дегиль, огретюв усуллары керек киби
ишленильмеди.
Тилимизни джанландырув ишинде оджаларнынъ ролю пек буюктир. Лякин оджаларнынъ ишлери пек
къыйын: усулий къулланмалар аз, корьгезмелер ëкъ дереджеде. Базы оджаларнынъ янъы тиль огретюв
усуллары акъкъында бильгилери зайыф. Бу къыйынлыкъларны чезмек макъсадынен янъы усулий меджмуа
чыкъармагъа къарар эттик. Онынъ ады «Ана тили оджаларына». Меджмуагъа иляве оларакъ DVD диски
бериле. Дискке къырымтатар тили ве эдебияты дерслери ве тедбирлер ичюн видео, аудио материаллар,
корьгезмелер кирсетильген.
Тедкъикъат материалларынынъ талили. Оджалар ичюн усулий тевсиелерни та Исмаил Гаспринский
язгъан эди [1]. Ш. Бекторе [2], У. Аджы-Асан, А. Одабаш, Р. Муллина, А. Ислямов, А. Къуртмоллаев ве
башкъалары бу аньанени девам эттилер [3]. 1920 -1930-нджы сенелери къырымтатар оджалары ичюн
махсус меджмуалар чыкъарылмагъа башланды. Бу «Бильги» (1921 с.), «Окъув ишлери» (1924 – 1929 с.) [4]
меджмуаларыдыр. Халкъымыз сюргюнликтен къайткъан сонъ къырымтатар тилини огретюв системасыны
гъайрыдан тиклемек макъсадынен чокъ арекетлер арасында оджалар ичюн «Тасиль» меджмуасыны
чыкъарув иши де беджерильди [5]. Оны Къырым мухтар джумхуриети «Маарифчи» ассоциациясынынъ
хадимлери азырламакъта, тесисчи-муаррир Сафуре Каджаметова.
«Тасиль» меджмуасы умумен тасиль проблемлерини бакъмагъа арекет этсе, бизим «Ана тили
оджаларына» журналымыз догърудан-догъру къырымтатар тили ве эдебияты оджалары ичюн тертип
этильгени корюне. Макъалемизнинъ макъсады – бу меджмуа акъкъында тариф этмек, онынъ
хусусиетлерини ачыкъламакъ, келеджекте меджмуада бакъыладжакъ меселелерни бельгилемек.
«Ана тили оджаларына» меджмуасы ресмий шекильде чыкъарыла, учь айда бир кере басыла, онъа эр
анги почта болюгинде абуне олмагъа мумкюн, абуне индекси 49968. Материаллар учь тильде ола билир:
къырымтатар, украин ве рус тиллеринде.
Меджмуанынъ бир сыра рубрикалары мевджут. «Усулий макъалелер» болюгинде умумий
усулшынаслыкъ меселелери айдынлатыла, белли алим-усулджыларнынъ китапларындан парчалар такъдим
этиле. «Эдебиятшынаслыкъ», «Тильшынаслыкъ» рубрикалары алтында бу саада оджалар ичюн меракълы
ве керекли макъалелер басылмакъта. «Такъвим саифелери» белли адамларнынъ юбилейлери, муим
вакъиалар акъкъында малюмат ачыкълайлар. Айры балабан болюк – бу дерс конспектлери ве чешит
тедбирлернинъ сценарийлери, мында меракълы вазифелер, корьгезмелер де теклиф этиле. «Санатымызны
огренейик» рубрикасында рессамлар, йырджы ве бестекярларнынъ иджады акъкъында икяе этиле. «Дин ве
ахлякъ» болюги бу мевзуларнен багълы олгъан материалны къаплап ала. «Психологик тевсиелер» де муим
бир рубрикасыдыр, чюнки оджанынъ фаалиетинде психологик бильгилер пек эмиетли роль ойнайлар.
Сонъки номерлерде меджмуагъа ренкли илявелер (кенджелер ичюн китапчыкъ, такъвим) кирсетильди.
Бойлеликнен, коремиз ки, меджмуанынъ мундериджеси баягъы зенгин.
Оджалар биринджи учь номерни къуванып къабул эттилер, меракънен макъалелерни окъудылар,
оларнынъ файдасыны къайд эттилер. Биринджи номерде Исмаил Гаспринский, Номан Челебиджихан, Амди
Гирайбай, Бекир ве Юрий Османовлар, Муса Мамут киби шахыслар акъкъында метинлер, рессам Мамут
Чурлунынъ иджады, Наврез байрамы акъкъында ве даа башкъа чокъ материаллар бериле [6]. Экинджи
номерде къырымтатар халкъынынъ сюргюнлик фаджиасыны акс эткен материаллар топланды.
Р. Джемилеванынъ «Сюргюнлик хатырасы», Уктам Хакималининъ «Ватан дуйгъусындан юксек дуйгъу
ёкъ» эсери, Рустем Эминовнынъ иджадында сюргюнлик мевзусы – бу ве башкъа малюмат бунынъ
мисалидир. Халкъ эснафларындан бири – нагъышнынъ «мыкълама» усулы анълатыла. Ондан гъайры Л.Э.
Бекированынъ намзетлик диссертациясынынъ мевзусынен багълы олгъан интерактив усулларны изаат
Вопросы духовной культуры – ФИЛОЛОГИЧЕСКИЕ НАУКИ
119
эткен макъалеси бар [7]. Онынъ девамы меджмуанынъ учюнджи номеринде басылды. Эсасен бу нусха
классик шаиримиз Эшреф Шемьи-задеге багъышлангъан. Айдын Шемьи-заде, Исмаил Керимов,
Г. Ильясова, Э. Алиева шаирнинъ иджадыны талиль этелер, оджаларнынъ дерс конспектлери де бериле.
Рессам Алим Усеинов, йырджы Рустем Меметов акъкъында видеолевхалар талебелерни земаневий миллий
санатымызнен таныштырмагъа ярдым этелер [8].
Айтылгъаны киби, усулиет проблемлери шимди пек кескин тура, гает актуальдир. Оларнынъ чезилюви
къырымтатар тилини сакълав ве инкишаф этюв меселесинен сыкъ багълыдыр. «Ана тили оджаларына»
меджмуасында келеджекте акс олунаджкъ бир къач, чезильмеси зарур олгъан проблемаларны, къайд
этейик:
1) Шимдики заманда энъ эсас вазифе – балаларны миллий рухта тербиелевдир: ана тилимизге,
Ватанымызгъа, тарихымызгъа, санаатымызгъа севги, меракъ ве урьмет ашлав вазифесидир. Миллий рух
олмаса, тилимиз де, миллетимиз де сакъланмаз.
2) Окъутувны коммуникатив ёнилиште алып барув, яни къонушмагъа огретюв. Оджалар окъутув
ишлерини ойле алып бармакъ кереклер ки, дерсте грамматика ярдымджы роль ойнамалы, эсас вакъытны
нутукъ инкишафына бермели.
3) Дерслерде чокъча дикъкъат текст узеринде чалышувгъа айырмакъ керек, чюнки бу иш
балаларнынъ нутукъларыны инкишаф эттирмеге ярдым эте, текстте балалар ичюн янъы меракълы, файдалы
малюматлар бар. Талебелерни метинде олгъан проблемлерге озь мунасебетини, фикирлерини беян этмеге
огретмек лязим.
4) Дерс девамында миллий газет, меджмуа ве телевизион материалларындан чокъча файдаланылса,
пек эйи олур эди. Бу ишни мунтазам суретте япмалы, чюнки газета окъумагъа алышкъан адам эм ана
тилини яхшы огренир, эм де миллий рухунда тербиеленир.
5) Къоранталарда ана тили муитини яратув меселеси пек къйындыр, чюнки чокъ адамлар, озь тилини
бильселер биле, къолайджа олсун деп, рус тилинде къонушалар. Бизим фикиримиздже, ана тили муитини
яратмакъ макъсадынен махсус иш алып бармакъ керек, мисаль оларакъ, чешит мектеп тедбирлерине ана-
бабаларны джельп этмеге, бу эр тарафлама: эм окъушкъа, эм тербиелевге – файда олур эди.
6) Ана тилини огретмек макъсадынен чешит курслар тешкиль олуна. Бойле курсларда къулланылгъан
методларны кимсе талиль этмеди, огренмеди. Бельки курсларнынъ теджрибесини бакъып чыкъып, ильмий
джеэттен оны талиль этмек керектир, бойле талиль курсларны эйилештирюв, интенсивлештирюв ишине
иссе къошар эди.
7) Усулиетнинъ буюк проблемлеринден бири – латин графикагъа кечюв меселеси. Лафтан амелий
ишке кечмек вакъты чокътан кельди. Бизим теклифимиз: бир къач мектепте эксперимент оларакъ латин
графиканы кирсетмек мумкюн, амма бу ишни башта ильмий джеэттен яхшы огренмек керек.
8) Оджалар дерслерге азырланаракъ козьде тутмакъ кереклер ки, яш несиль, земаневий огълан ве
къызларнынъ, бельки, эписи, рус тилинде тюшюне, шунынъ ичюн дерслерде русчадан къырымтаджаргъа
чевирюв, терджиме этюв вазифелери чокъча олмалы. Ойле вазифелер талебелерни ана тилини мукеммель
бильмеге, бу тильде тюшюнмеге огретир
Нетидже. Шимди къырымтатар тили ве эдебятыны огретюв усулиетине буюк дикъкъат айырмакъ
керек, чюнки онынъ инкишафы тилимизни, миллетимизни сакълап къалув проблеманы чезмеге ярдым этер.
Бу саада «Ана тили оджаларына» меджмуасы озь иссесини къошар, деген умюттемиз.
Тедкъикъатнынъ илеридеки перспективасы. «Ана тили оджаларына» меджмуасынынъ
материалларыны дерслерде чешит тюрлю къулланмакъ мумкюн. Журналдаки метинлерни окъумакъ,
талебелерге метин эсасында суаллер берип музакере кечирмек мумкюн. Иляведе берильген корьгезмелерни
дерсте фааль къулланмагъа имкяныны тапмакъ лязим. Хусусан ана тили ве эдебияты дерслеринде
видеолевхалар эсасында кечирильген субет пек файдалы кече. Бу корьгезмени къулланув усулы келеджекте
айры тедкъикъаткъа ляйыкъ, деп саямыз. Теджрибе косьтергенине коре, оларнынъ эмиети пек буюк, лякин
видеолевхалар махсус лугъат ишини талап этелер. Бу меселелер невбеттеки номерлерде бакъыладжакъ.
Къулланылгъан эдебият:
1. Гаспринский И. Рехбер муаллимин яки муаллимлере елдаш / И. Гаспринский. – Багъчасарай :
«Терджиман» гъазетасы таш ве хуруфат басма ханеси, 1898. – 32 с.
2. Бекторе Ш. Татарджа сарф, нахв / Ш. Бекторе. – Тотайкой, 1923. – 110 с.
3. Асанова Л. Н. Развитие умения говорить на крымскотатарском языке у первоклассников школ с
русским языком обучения : дис. … канд. педагог. наук / Л. Н. Асанова. – К., 2009. – 226 с.
4. Селимова Л. Ш. Къырымтатар миллий матбуаты тарихына бир назар / Л. Ш. Селимова. – Симферополь:
Оджакъ, 2008. – 123 с.
5. Тасиль : окъув–усулиет меджмуасы : Къырым Мухтар Джумхуриети «Маарифчи» Ассоциациясы. –
Симферополь : Доля, 2002. – № 1. – 60 с.
6. Ана тили оджаларына : усулий меджмуа : «Ана тили мектеби» тешкиляты. – Симферополь : Тарпан,
2011. – № 1. – 32 с.
7. Ана тили оджаларына : усулий меджмуа : «Ана тили мектеби» тешкиляты. – Симферополь : Тарпан,
2011. – № 2. – 36 с.
8. Ана тили оджаларына : усулий меджмуа : «Ана тили мектеби» тешкиляты. – Симферополь : Тарпан,
2011. – № 3. – 28 с.
|